開刀生BB過程?

以下只是我在東區醫院生bb　的經驗
1.全麻定半麻比較好?
我上年年頭生阿b 是半身麻醉。講真你開刀時, 除左個頭, 全身有一個似帳的東西圍起, 你點會覺得有血會怕；加上下半身麻醉, 你唔會覺得什麼。我咁怕痛都冇感覺, 如果唔係, 點會叫麻醉。
半身麻醉, 是由頭到尾你都是清醒。你開刀時，你老公可以同你傾下偈。而bb 出左嚟, 你可以第一時間聽到佢的喊聲, 護士重會第一時間將阿b 抱到你兒邊, 喺唔喺好呢?
加上政府醫院會自己決定全身還是半身麻醉。

2.個傷口可以自己選擇直或橫?那樣好?
我是橫開的, 而家冇直開啦。當然喺橫開好啦, 在肚臍下面, 就算點低腰的褲都遮得到

3.要住醫幾耐?
如果你和bb冇事, 5日4夜 la
4.可以自選醫生開刀嗎?
政府醫院喺唔可以, 除非你胎盤低, 又或你第一胎是開刀等
私家醫院至可以, 因為 $$

5.悪露比順產會多還是少?
悪露比順產會短一點, 因為唔會流好多血, 大約7-10 日, 但量多少就因人而異

6.幾多日可以落地行，幾日可拆線?
第二日可以落地,護士亦會鼓勱你落地, 二來要你要去沖身。 醫院會比止痛葯, 行路的時候傷口會痛。
而家用的線唔使拆, 佢自己會吸收 (或叫溶),所以唔駛驚拆線痛。
7.澳門或香港既情況有冇唔同?
唔清楚

1,全麻就係你起身果陣bb已經出左世~當中過程你完全唔知~通常怕血既人都揀呢樣
半麻就係下半身冇知覺~可以睇到bb出世

2,...........你話呢..你鍾意除衫果陣見到大大條la響邊個位呢=o=
同埋依家非必要都冇人要求亦冇醫生會直開~除非bb有咩事

3,如冇其他事~5日4夜or6日5夜

4,私家醫院可以~政府醫院冇得選擇開刀~除非bb有咩事

5,差不多

6第2日已經可以落床~但係會好想死~個傷口痛到想死~同埋大概要一個月左右傷口先唔痛~完完全全好返要大概1年~有一半mami都話1年之後都會覺得個傷口一樣好痕~到左打風落雨個傷口仲會陰陰痛

7,呢個問題我唔知wo...但應該冇差幾遠