柬埔寨跟團定自遊行好

多數遊客去柬埔寨都係去首都金邊同暹粒(吳哥窟), 因為呢2個地方都好多遊客去(好多法國同日本人架), 所以自由行應該都唔會危險既! (我之前去過)
一般情況下, 去柬埔寨/吳哥窟旅行應該都無咩問題, 當然你打算訂機票之前都可以留意一下當地既局勢, 不過我上次去都無特別問題, 亦都無覺得唔安全。只要好似平時去旅行小心d就ok, 仲有財不可露眼, 小心財物, 如果可以既話, 住d唔好太差既酒店, 因為d賓館治安唔係幾好架!! ....同埋唔好著得太光鮮....當地人成日都以為遊客好有$$架!!
不過金邊市面有d混亂, 人同車都好多, 要有心理準備, 不過留心d都ok既. 金邊好多旅客都鐘意坐電單車, 一架電單車連司機可以坐3個人, 可以包車一日四圍去, 是最便既方法, 不過上車前要小心同司機講好價錢, 短程都係美金1蚊度. 不坐電單車, 可以乘的士.
去金邊通常會去戰爭museum, killing field, 皇宮, 同埋一個賣銀器既市場啦, 柬埔寨d食物有d似泰國菜, 似樣d既餐廳都唔會太貴, 我覺得最好味係法國麵包, 又新鮮又香!! 入面有扎肉, 青瓜...周圍都可以食到, 真係好好味!! 我上次由金邊坐domestic到吳哥窟的, 不使1個鐘就到, 吳哥窟非常值得去, 如果你時間充足, 又鐘意影相, 可以買個3-day pass.
我覺得如果你地只係去金邊同吳哥窟, 自由行係無問題架, 不過如果你地想去d再偏遠d既地方都要小心d啦!
祝你玩得開心d!! 你有其他問題可以再問我架!!

我未去過, 但係, 我會第1時間答你 - [跟團]. 是男或女都一樣. 柬埔寨有很多地方還是有地雷的. 所以政府有特別開放的地方來發展旅遊業, 而旅行團便知道那些地方在哪裡, 那些地方是安全. 再者, 有些地方或有些東西, 當地政府是不容許遊客見到, 如果你們亂闖, 會有麻煩. 甚至生命危險. 太差的冶安, 自己搭車實在危險.

最後, 都係你自己諗, 自己決定啦! 或者問吓家人!