我真係咁唔值得佢信任咩?

我同佢仲未好番呀~可能真係要分手了~佢成日話我鍾意佢個friend，話我哋有路，我同佢分隔兩地，我喺hk，佢喺usa，佢個friend都返咗usa幾個禮拜，最記得係我同佢個friend介紹自己叫咩名嘅時候，佢個friend即刻就講咗句：what a beautiful name!跟住佢就眼都突埋咁望住我，之後我哋就開始嗌交，佢成日都好似想療交嗌咁，明明冇嘢都可以比佢搞到嗌交，又話我變咁心，鍾意咗佢個friend，我話咗九千萬次冇佢都唔信，又話我唔愛佢，但係佢其實又真係好有我心，無論幾唔得閒都好，我生日同christmas點都會飛過來同我一齊過，次次都唔同驚喜，所以都會嬲佢唔落，但係今次我直覺話我知唔同了～佢好似真係唔理我呀～我點算呀？

更新1:

最離譜係嗰次成十幾日冇搵我，一搵我就問我：where have you been，跟住仲覺得我飛咗過usa同佢個friend結咗婚，咩我喺佢心目中係咁隨便咖咩？又成日問我：do you love me?我話：yes，咁佢就會問：don't you love me?咁係咩意思喎？即唔信我啫～

更新2:

跟住又成日喺度挑撥離間，話佢個friend對我有企圖，唔好同佢聯絡，我真係唔信個個都對我有企圖lor~跟住同佢講親電話或者chat msn都要我淨係專心一意同佢講嘢，chat msn就慢少少答佢都喺度疑神疑鬼，又會問我：who are you chating with?又叫我唔准同人哋chat，同佢chat緊就一定要專心同佢chat，有咩都要同佢講同佢商量，哼﹗又唔見佢咩都同我講同我商量～

更新3:

sorry~因為打得太多，所以至咁樣補充番～

回答 (2)