✔ 最佳答案
我兩年前呢間學校預科畢業, 或者我可以分享一下.
1) 學校有舊書買. 如果買唔到既要自己出去買.
2) 先去UG排隊, 當日會有指示叫唔同班去邊到排, 亦無需著校褸.
3) 7:45之前要返到課室/UG排隊. 以前下課時間日日不一樣, 以前試過12:30放, 試過兩點幾三點半放都有. 9:4日已經跟全日制返學, 學校唔會有所謂夏令時間.
4) 學校小食部有麵、米粉、麵包、燒賣、零食、飲品等. 出面有車仔麵、燒味飯、7-11、pizzahut、麥當勞、餐廳. 如果你再落結志街附近會有米線、粉麵. 如果你有時間可以再落IFC、大家樂、KFC、茶樓等地方食, 不過學校唔會有好多時間比你食飯, 所以如果行得太落既小心遲到.
5) 以前我都聽過, 但係有無一寸真係好少人理, 但對鞋一定要黑色、無花邊同裝飾.
6) 之前教我中化既老師走左, 之前學校無開M&S, 我又無讀BS, 所以呢三科教師質素如何真係唔知. 會計之前由兩位老師教, 我由一位英文姓氏Y, 英文名有個I字的老師教, 佢的確好比心機教, 佢解concept真係解得好清楚, 間唔中會講下pastpaper. 雖然測驗真係好多, 但都係迫你讀書.
我之前由一位英文有P字頭的外籍教師教UE, 但唔知來年會唔會用外籍教師教UE. 佢教書唔係好多人聽得明, 功課及project方面算多, pastpaper都會比你做下, 但上堂真係好少教文法同考試技巧. 但係如果你有野唔明, 你要自己主動問. 作文方面, 佢唔會只係改文, 佢會就你內容及文法去作不同方面評分, 以及要你就不同錯處做follow-up work.
今年Econ同Acct選擇其一, 既然你選會計, 那我便不說Econ的師資如何了.
7) 個個老師唔同, 但我之前的班主任無講.
8) 學校無練習簿同手冊, 但有單行紙同歌書. 學校有訂文具, 9月亦會有訂pastpaper服務. 不過, 有D老師會幫你影埋pastpaper, 但比唔比答案, 視乎不同老師.
9) 睇你是否為人主動. 如果你喜歡經常獨自一人, 又唔傾得埋既, 相信會較難識朋友.
10) AL會計分財務會計及成本會計. AL會計卷一考財務會計, 卷二主要考成本會計. CE只係學財務會計. CE已經cover AL會計接近50%既野. 有部分老師因為你CE學過, 所以會教得快D, 甚至部分topic唔會再教. CE會計底唔好會學得比較辛苦, 所以CE會計底子較差者建議你現在溫一溫CE Topic, 如果唔係到你再學會非常辛苦.
Book 2要到中六學期尾或中七先買.
