✔ 最佳答案
如果買o黎去爬山,或有時去爬山,或有機會去爬山,就不要買 RAV4。因為 RAV4 唔係行陣,無加力波,無中差鎖,有錢去改都改唔倒去爬山!
如果只去行街,請看下去。否則可以不看。
如果唔爬山,就要講故仔。想當年維他奶一出,賣過滿堂紅,因為叫做越野消閒車的維他奶,有基本的越野性能(行陣、加力波、後硬軸,到現在仲有很多人用o黎爬山,特別係台灣),也有行街的舒適感(前獨立懸掛)。當時很多車廠都眼紅,日本大廠豐田當然不甘視弱,針對維他奶的弱點,就隨隨便便造架四驅車o黎打維他奶,這就係 RAV4!RAV4 有 2000cc 直四引擎,全時四驅,加上時尚的外型,一下子就將維他奶打敗。當時正是 1995 年。
之後鈐木變陣,將 1600cc 的維他奶昇級到 2000cc V6。隨後更推出 Grand Vitara,但已風光不再了。
所以,照道理同是 95 年,RAV4 會比維他奶好。但個人較喜歡維他奶的外型。維修方面 95 年車始終有唔少野開始要整,但 RAV4 會比較無o甘多問題,維他奶自動波箱出名多事,最好買棍波,否則試清楚才買。同一狀態,2000cc 比 1600cc 好力,但 2000cc 又比 1600cc 食油。無兩全其美!
無論 RAV4 又好,維他奶也好,二手市場多的是,不用心急最緊要品質。千祈唔好貪平,最好拎去相熟車房照肺睇下有無非典型就買得安心,用得放心!
希望幫倒您。