樓宇出租事宜

你層樓6月份已出租且已簽了租約, 但希望租約嘅日期到現在仍未超過30天, 因為出租樓宇, 除咗租約打厘印之外, 業主仲應該填一份表格cr109, 喺租約簽約日期嘅30天內寄出俾差餉物業估價署署長背書,然之後將副本各寄一份俾租客同埋業主. 喺期限30天內做呢個手續係唔使錢嘅, 但如果超出呢個期限, 就要俾310蚊嘞.將cr109填交差餉物業估價署背書及存檔, 日後如業主同租客有拗撬, 要租務法庭去處理的話, 法庭先至會處理, 如果冇咁做, 都要先補交一份cr109, 之後法庭先至會處理你嘅個案. 當然, 如果期內順利冇任何拗撬, 續租/交吉又順利的話, 冇官司要打, 咁就算冇填到cr109都冇問題嘅.就係因為通常冇事多過有事, 所以好多人(包括地產代理)都唔太注重填報cr109. cr109 可以喺差餉物業估價署網頁上下載.
此外, 無論你有冇填報cr109, 差餉物業估價署都會定期寄"物業詳情申報表"俾業主填報, 咁你到時就要記得據實報番你嗰個物業嘅租務情況。
之後當然就係要記得報物業稅喇.

最緊要報稅呀, 比稅局追就好庥煩.