回魂夜過後，先人還會回家探親人嗎?

1.想問回魂夜過後，先人係咪唔會再返屋企架啦?定係之後都會偷偷返屋企見一見家人。
好多人唔知﹐回魂夜唔係只得一晚﹐係兩晚。根據先人八字往生時辰配合天干地支算出嘅回魂夜叫“正歸”﹐“正歸”前一日叫“私歸”。

“私歸”當晚﹐凶神煞神會隻眼開隻眼閉﹐俾先人獨自回舍見親人﹐然後離開。“正歸”係由凶神煞神陪伴先人回舍﹐看過親人﹑領受祭品後離開。

所以係回魂前偷偷返屋企見一見家人﹐唔係回魂後。

據我所知﹐先人即使未出殯亦唔係佢想去邊就去邊﹐有牛頭馬面看管住。如果先人可自由出入生前住處﹐咁又何須回魂夜?

回魂夜過後，先人唔可以再私自回家(因為“私歸”時已網開一面俾佢返過屋企)﹐要等設靈之日先可以再見家人。

2.因為親人剛過身不久，今年重陽節是否不可以去拜祭，一定要要等一年之後?
重陽節可以唔去拜祭﹐但要拜山唔一定要等一年後。

下葬未夠一年是為“新山”﹐如先人係農曆年後往生﹐頭一年按習俗唔會拜新山。所謂“新山不過社”﹐“社” - 即係春社﹐春社過後鬼門關大開﹐閻王體恤新鬼﹐會俾佢地優先o係鬼門關開前領受祭品。所以﹐要拜新山就一定要o係春社前拜﹐亦叫拜早山。

拜新山應該係農曆年過後﹐春社前拜﹐所以你今年可省略不拜重陽。明年春社日子未定﹐看明年的通勝春牛圖就會知道。

3.實在太掛念爸爸，我可以寫信燒給他嗎?
可以﹐當年我婆婆過身時我都有寫封信同佢道別。不過... 其實咁樣做唔係咁好。先人已經往生﹐除左我地要接受﹐亦都要先人接受現實。如果令先人太多思念﹑牽掛﹐﹐會負累佢地往生嘅路。

我都明白思念真係令人好痛苦﹐你可以寫一封信向爸爸道別。內容唔好寫“好掛住你”﹑“唔捨得你”... 你可以佢講﹕“感謝養育之恩﹐我唔會忘記你﹐但希望你會好好生活﹐我會照顧好家裡﹐你唔使再掛住我地﹐一路好走。” 令世伯放開牽掛﹐好好上路﹐依件會係你為爸爸做最後﹑ 亦係最有意義嘅事。

他會看到嗎?
我相信世伯會看到。

你個信封要寫收信人同發信人名字﹐有d人會寫埋先人藉貫﹐又可以省略。假設世伯叫陳大文﹐你叫陳小明﹐你o係信封正中間寫﹕“先考陳公大文領受”﹐左下角寫﹕“陽居陳小明呈”。

如果設靈堂當日，那封信應放在紙紮一起燒?還是等出殯日放在棺木一起燒?
只有陪葬品先會同遺體一齊化﹐你封信o係出殯前o係靈堂入面個火爐化埋就得。

唔建議你放封信落紙紮度﹐一來容易唔見﹐二來紙紮係拎去殯儀館外面﹑由職員負責燒﹐家屬只係o係旁邊叫先人收野。殯儀館職員可能唔為意你有封信﹐好易跌左或者燒漏左。

4.在設靈堂當日，先人會去靈堂嗎?
設靈第一日﹐即係守夜o個日﹐家屬睇過先人化粧﹑靈堂冇問題﹐法師會做法事請先人去靈堂。

5.而家我屋企的地主已經全用紅紙封住，想問幾時可以解封，是出殯後嗎?
不是出殯後咁簡單。先人出殯後﹐孝子同法師會帶住先人魂返家上高﹐法師會幫你拆埋紅紙(因為要做儀式)﹐或者佢叫你拆先拆。

我都不知他什麼時候去輪迴，又不可以一直無了期封住地主，我又不想阿爸入唔到屋。
人有陽壽鬼有陰壽﹐陰壽盡先可以去輪迴﹐在世人唔會知先人幾時輪迴架! 上左高之後先人就可以入屋架喇﹐唔使擔心。

我有個世伯以前係做殯儀架﹐你再有問題歡迎寫信俾我或再發問。保重。


2007-09-04 10:38:31 補充：
樓上的朋友﹐長明燈唔係o係住家點﹐係去到靈堂由法師安排。即使係回魂當日亦不用長明燈﹐只須點上白蠟燭。

1.回魂夜過後,先人係會再返屋企
2.今年重陽節是不可以去拜祭,一定要等一年之後(老人家話,第一年係新山,唔拜得)
3.可以寫信燒給他(要寫TO邊個,同Form邊個先至收到)
4.在設靈堂當日，先人會去靈堂,因為先人要去收野(即係D紙紮)

2007-09-03 23:46:02 補充：
而家我屋企的地主已經全用紅紙封住，想問幾時可以解封，是出殯後嗎?我都不知他什麼時候去輪迴，又不可以一直無了期封住地主，我又不想阿爸入唔到屋。 你有冇點長明燈,冇點的話,令尊係唔識路返屋企,都係入唔到屋你以後「香」,要有次序(先莊D大神,即係地主之類,先至可以莊比令尊)

1.回魂夜過後，先人係會再返屋企架!!!
2.今年重陽節是可以去拜祭!!!
3.可以寫信燒給他!!!因為我都試過擺落附薦袋度一齊燒俾我阿公!!!他看唔看到,我就不得而
知lu!!!那封信應該放在紙紮一起燒!!!
4.在設靈堂當日，先人一定會去靈堂!!!因為D法師會請個先人去個度超度佢!!!

同埋樓上個位,家中係可以放神佛地主架!!!只要用紅紙遮住就得架啦!!!(紅色向內,白色向外)
死之後第七天叫頭七,唔係叫回魂!!!

2007-08-31 19:47:07 補充：
5.而家你屋企的地主已經全用紅紙封住，係出殯後就可以解封解封嫁啦!!!唔洗等你阿爸輪迴完先解封嫁!!!參考資料: 我的家人

2007-09-05 00:02:25 補充：
VERY VERY VERY BAD!!!