係咪大光圈一定拍攝得靚過大眾化的數碼相機?

首先數碼相機有啲都好大光圈架喎.反而一般數碼單鏡機的跟機鏡頭好多時比DC仲要細.我相信你指的大光圈其實係指鏡頭體積大.
仲有用大光圈影相一般來講係比用較細光圈畫質差的,用大光圈好多時係為咗做淺景深同高速快門.
由於DC感光完件好細,所以鏡頭都可以好細但係焦距合理,光圈又大.(光圈值其實係鏡頭孔徑同焦距的比例,唔係單單鏡頭體積)
如果你唔係晒張大相出來睇,1000萬像素靚過300像素多數係你心理作用.
單鏡數碼相機即係可以換鏡頭嗰啲贏在感光完件比較大,大約係輕便DC的六倍,感光能力強好多,所以影像會比較純正有層次感.同時也比較容易做出淺景深.
唔計淺景深,其實普通輕便DC都可以影到靚相架,但就限制比較大,因為多雜訊唔用得高iso,一唔夠光快門就慢,快門時滯長,對焦慢,儲相慢,總之乜都慢,影郁既嘢唔掂,但係影啲靜態嘢,光線夠或者肯用腳架的話,一樣可以影得好好的.
7000幾蚊玩數碼單鏡其實唔係好多錢架咋,如果你認真起來淨係買鏡頭同配件分分鐘都可以買幾個七千蚊.

2007-09-01 14:19:32 補充：
明唔晒都選,多謝你.你有乜疑問儘管問,盡量答你.

1.如果同樣係輕便式數碼相機,在較暗環境或室內.大光圈ge確實比細光圈ge靚.

2.輕便式數碼相機,甚至數碼單鏡反光機ge相和菲林相確實給人有不同感覺, 所以現在仍然有人用菲林相機,