點樣戴同除con嫁??

帶Con同除Con都要練習得多先可以,首先帶Con時要用左手中指拉下眼皮,將con放在右手食指上,望住個鏡輕輕放入去便可,千萬不要立刻眨眼,因好易會掉出來,要幾秒以上唔眨眼等到個con穩定左先得,可能會流眼水,同紙巾刷刷便可,有些人會教你同左手兩隻手指拉住上下眼皮,不過其實只拉下面已經得,拉得多會鬆晒架~~同埋帶con 唔一定要放落眼珠位置,放左眼白都得架啦~~因為個con會自動游去眼珠中心

除con時要向著塊鏡,眼向下望,當個con游去下面眼白時,就用右手中指同姆指輕輕拔出來便可,初初你會覺得很可佈,習慣左就得架啦~~不過千萬不要大力,怕整傷眼睛.....

第一次帶Con要買藥水,生理鹽水,仲有夾(夾你配眼鏡時會送埋比你,至於Con case,有些藥水會送埋)

我帶左隱形眼鏡很多年了,用過很多隻藥水,初初用博士倫,但麻麻地好用,之後再轉左用Complete,但自從佢有問題要回收後就沒有再用,之後又用過Oxysept, 但好細支好快用完,又要用藥丸中和較麻煩
現在用Ciba Vision 出既AO Sept plus (藍色那隻),覺得幾好用,藥水內有一個直立的Con case,將藥水倒下去,裡面已經有個中和環,因為佢有雙氧水成份,所以個con case有個中和環中和藥水,記住唔好用其他con case,一定要用返佢附送那個才可以,一倒藥水下去就有好多泡泡,浸一晚第二朝用生理鹽水沖沖鏡面,就可以帶上眼

每日個Con case要用生理鹽水沖洗下就可以再用,而AO Sept plus每一支藥水有一個Con case送,只需要每用完一支換一個便可,而你要用個夾夾個con上黎,所以這些工具你每天都要清洗,曾經有調查說,藥水同鏡片較少細菌,反而是人們用的工具會多些細菌,因為往往都忽略了清洗工具既重要性

AO Sept plus已經有除蛋白功能,所以唔洗再用藥丸浸,都幾抵用,60幾蚊有360 ml,唔洗買咁多野咁麻煩.......生理鹽水用博士倫已OK,$18一支有360ml,有排用

仲有,記住唔好帶住con訓覺,第二天隻眼會紅晒的,而且這樣做好大風險,會有可能形成血管增生.......如果隻眼帶con帶到很乾,就要用眼藥水(可用樂敦C3,專是為帶con而設的,萬寧那些賣$24蚊一盒左右),隻眼太乾不但睇唔清楚,仲會影響眼球的健康

以上是我個人經驗,希望可以解答到你的問題!