雖然我不信天主教但都想問d問題

我唔係好識天主教的道理，不過可以大家交流一下。
耶穌的確係一位仁慈的牧羊人，但係為左保護羊群，佢會搭棄自己的生命，同魔鬼對抗，所以你可以話佢係一位戰士，不過唔係因為好勇鬥狠而戰鬥，而係為左人類得到新生命，同天主和好而戰勝一切阻礙人與天主和好的敵人，包括一切有形和無形的敵人。
十字架不是一把劍，它是以色列人對犯人作出最大侮辱的刑具，在上面的主耶穌為人受盡屈辱，流盡鮮血洗淨人的罪污。只是人類經常在思想、說話、行為上對主唔住，不過主依然以仁愛，以堅忍，等候罪人回頭，尋找走失了的羊。因此，主在十字架上仍然要求父寬恕世人。十字架是主耶穌對人愛的象徵。
因為人的原祖犯了原罪，令神與人隔絕了，需要舉行一個贖罪祭去修補彼此的關係。而主耶穌就是這個贖罪祭的司祭兼祭品。以前以色列人行贖罪祭會用牛羊，用牛羊的血去洗淨自己的罪污，而主耶穌更以自己身為天主聖子的血，洗淨普世人類的罪污。如果主不作為贖罪祭的犧牲，人就不能得救。因此，死而復活其實並非多餘。
死後復活，就使世人知道主耶穌是天主子，令人明白天主的奧秘安排，而且由於主的復活，令信主的人都有在將來復活的希望和憑證，因此主需要復活。
鬼怕十字架只是傳說，真正驅魔的是對主的信心，以主的能力去驅除魔鬼，不過必須由受過訓練的神父進行。
天主的信徒見不到天主仍然相信，才叫信德，否則只是一位證人，又有何德行可言呢？對嗎？不信主的人見了主，是主藉人去傳播信息，我不知主的用意，但在下認為不信的見了主後變成信，對他絕對有益。
人要死，為何要出生？死只是另一種形式的生存，兩者只是不同階段，因此基督徒並不害怕死亡。
天主有能力阻止人犯罪，但主給了人自由意志去選擇，亦因此人可以選擇接近天主還是遠離天主，對主的愛德亦由此而生。
天主為我們贖的是原罪，在於恢復人與神的關係，令人可以得到天主的聖寵。每個人都要面對自己一生所做，在死後有所謂私審判，主會對每一個人有公平的判斷。
天主的罪在何處？天主沒有罪，為何要受罰？
希望可以答哂你的疑問。

耶穌唔係一個戰士,而係一個導師,佢教我o地作為基督徒甚至作為一個人應該點去生活;
十字架對於基督徒o黎講只係一個紀念,用o黎提醒我o地基督為我o地贖罪而犧牲,而你認為佢係一把劍...都可以咁講,對於聖母瑪利亞o黎講十字架真係一把利劍,因為佢令一個慈祥o既母親親眼睇住自己o既兒子死去,就好似一把利劍插入佢個心入面咁;
天主教o既教義首先就係以相信同愛天主為中心,相信聖父(天主)聖子(耶穌)聖神三位一體,所以點會無關呢?
你咁問就要睇o下係邊個宗教喇,因為有d係有關,有d就無關,亦要睇你所講o既係咩關係,天主教係認為天主係自有o既(唔好問我點樣自有,呢個絕對係超越人所能夠理解o既範疇)有d其他宗教o既神都會同天主有d相同,但唔係全部;
我o地信係因為主基督死而復活,除o左為我o地贖罪,亦都令我o地知道只要我o地跟隨基督就可以得到永生,所以你所講o既有人見到佢,佢如果唔係比人見到又點証明佢已經復活呢?
同上,但係佢唔係落o黎比人殺,而係自己犧牲,而且唔係無死,而係死而復活;
十字架對於天主教o黎講就係耶穌基督神聖o既臨在,所以任何邪靈都會怕,但係首要o既係你要信;
天主無時無刻都響我o地身邊,唔應該話見唔到天主,我o地依家身處o既世界就係天主所交與比我o地o既,只要我o地肯認真感受,一陣風,一滴水,甚至一粒沙都係天主,如果你認為你所見同所擁有o既o野都係本身應該存在o既,咁你就同一個認為個天會自己跌錢落o黎比佢o既人無分別;
同上,記住!聽到同見到o既都係以我o地個心,唔係用眼同耳;
因為對於天主o黎講每一個人都係一個可能性,可能係好,可能係壞,亦可能會有各樣成就,點解你要存在(出生)唔應該問天主應該係問你自己,因為個結果絕對響你手上;
因為天主要比我o地知道做錯o左事都可以認錯,改過,點解唔阻止係因為天主插手,咁人類所存在o既各樣可能性都會無哂,所以天主先比自由我o地;
令其他生物受苦???各樣其他生物都係天主交比我o地o既,當然我唔係話我地可以亂咁對佢o地,因為點做都好,最後承受結果o既都係我o地,所以我o地有責任保存各樣其他生物;
天主比o左各樣o既戒律我o地,就係教我o地應該點樣去生活,但係佢依然係比改過o既機會我o地,因為比我o地選擇點去生活o既自由,我o地可能會響有意無意之間做o左錯事,天主比我o地改過o既機會,咁樣先算係比o左真正o既自由我o地,咩事都阻止我o地去做o既唔算係真正o既自由;
最後三個問題我想一次過答哂,天主有無犯罪?我o地唔可以話佢犯罪,只係犯錯,錯在咩???就係創造人類,世人有咩罪唔駛講啦,當人出到去社會大罪小罪有意無意一定會犯,仲有就係世界唔係只係得你一個人,其他人犯罪,對於天主都係有責任,所以先會有耶穌基督o黎為我o地贖罪同教我o地點樣去生活,咁你可能會問點解天主咁都要創造人類?因為天主亦都係我o地o既父親,仍唔會想我o地犯罪,但係到o左真係有犯罪o既時候,只要我o地真心改過,天主一定會係第一個原諒我o地,無一個父親會唔愛佢o地o既子女架,何況係天主.
我所講o既唔會引經據典,只係根據我心所想o黎講,希望我所答o既可以幫到你.