關於工傷問題

我返工ge時候係公司樓梯度跌親,醫生俾左4日假我..
我係全職僱員,我想問

1).公司係咪一定有同我買勞工保險?(保險係咪有得賠?)
法例規定要買既, 冇買係觸犯法例既!


宣家我咁ge情況,
2).係咪有 有薪病假,
4日既正確工資的5分4, 其實計法其實係同你自己病左放病假4日一樣既人工, 因為勞工法例底線都係比正常工資的5分4.

3)我會唔會有額外工傷賠款??
如果你工傷病假超過7日勞工署工傷組收到你公司報既工傷資料就會發信叫你好返之後上去做銷假手續, 睇下有冇因為呢次工傷而影你日後喪失工作能力, 如果有就有機會獲得呢部份既賠償. 而保險公司亦會視乎你工傷病假長短作出相應行動譬如由佢出 $ 要求你去佢指定醫生接受檢驗/診治等等.

7日或以下既就可以用直接解決工傷方法, 即係大家簽份同意書, 聲明你已康復、同意及收到公司晌你工傷病假期間發放正常工資的5分4及有關診治費用.

放心, 如果你放完呢4日工傷病假返左工但之後再因為呢次工傷受傷部位翻發引致病假咁你可以再繼續同你公司追討工傷, 但一定要有醫生證明.

公司會要求你提供正本醫生紙及醫療收據, 建議你copy 一份自己留底.

1. 你跌倒時,是否已經返咗工? 如果是在返工途中,還沒有踏入公司,也不一定當工傷,有爭議
2.係唔係全職職員不重要，你是他的僱員便要買勞保.
3. 如果是工傷，一天也有4/5 津貼，如不是工傷，你有連續四天病假也可以享有病假津貼，但看你是否有足夠的病假，第一年工作可以享有24天有薪病假,第二年可以享有48天，最多累積１２０天。
4. 如果真的算是工傷，額外的賠償要評估你今次受傷的情況，在康復後，有否對身體做成永久性的傷殘，如有就會按情度來判傷。

有問題可以打工傷權益會了解多些

我之前都試過claim工傷, 我試下講答你既問題:
1) 基本上公司係需要幫員工買勞保. 如果間公司真係買左勞保, 仲要睇間份保單係保障員工邊方面, 好似我公司係會保員工工傷或非工傷的住院保障, 所以我之前只是弄傷腰骨, 並沒有住院, 所以公司保險無得賠
圖片參考：http://hk.yimg.com/i/icon/16/17.gif

2) 如果因工傷而放的病假, 滿4天就可得4/5薪金; 另外, 每次因工傷睇醫生(合資格註冊西醫, 就算係註冊中醫都唔承認架!)既費用係每日每張醫療收據為max$200, 住院就每日max$280
3) 至於會唔會有額外賠款, 我諗應該唔會有(至少我都無), 我諗...如你想有額外賠款, 你係要做控告間公司, 跟住打贏官司才可獲賠償個隻方法先有喇~
仲有, 如果真係向勞工處報工傷, 係要有關員工填寫有關表格(僱員保障條例, 第282章-表格2), 不過應該會係公司既人事部幫你報架(我個case係), 跟住交表格上勞工處, 勞工處便會替你開個檔案, 直至你完全好返, claim哂你所claim既醫生收據後, 佢就會幫你close個file. 雖然資料唔係咁清楚, 但都希望佢地會對你有幫助啦~~
祝早日康復!
圖片參考：http://hk.yimg.com/i/icon/16/3.gif