(40) 我害怕未來, 是否有抑鬱症?

你好，如果你唔介意，得閒喺msn吹水好嘛？[email protected]
我比你年紀大好多，我經歷過極度失落o既童年＋青少年，直至現時為止，我仍然事事不順，喺家人面前扮開心已經扮足廿幾年啦，一直我都有宗教信仰，而且有令我留戀既嘢，不至於有勇氣走上絕路，屋企人方面，我已經豁出去，每個人都係獨立一個個體，思想唔同，冇一個人會完全明白自己，除非有２個你，一個人長大咗，最重要係朋友，認識多啲朋友，即使嘻嘻哈哈既朋友，都會開心過你屈埋屈埋，人生不如意事真係十之八九，不過回望過去，其實時間過得好快，唔需要執著喺呢一刻既唔開心，胡思亂想，你要知道，你放棄自己，永遠都冇希望，永遠只會停留喺呢個唔開心既空間，相反，只要你堅持落去，將來會有好多嘢等緊你，當然有開心亦有唔開心，不過生命充滿變數，冇得你諗咁多，正如你話，今日唔知明日事，冇錯明天不知會失去什麼，但同樣，明天不知會得著什麼，點解唔樂觀啲呢？有得著就會有失去，有失去一定有得著，冇２全其美，呢個世界冇嘢係永恒，痛苦都唔會永恒。凡事有前因後果，事情唔會無中生有，有呢一刻既結果，原因係乜嘢？嘗試從發生問題既源頭想想，冇得解決既，唯有學習接受啦，然後第２日又係新既開始．唔係話你中意既嘢就非要得到不可，世上有幾多人可以從心所願呢～ 幸福唔係必然，想擁有既嘢，要努力，要爭取，要等待，暫時得唔到既嘢，要學習忍耐／放下。人生就係一個冒險遊戲，正正因為唔知前面會發生乜嘢事，先會好玩，有趣味。

依個唔只係你一個人會發生既問題
好多開心快樂既人都好可能同屋企人關係唔好
而且每個人都會有機會失去重要既野,係人生中不斷會發生
但點解總係有一d人可以好輕鬆咁去面對,而有d人就會未發生已經驚定先?

我地只需要做既就係知道自己所有既才能,發揮出黎,集中係自己所有既,而唔係自己曾失去既

只要你話比自己聽你吾怕就吾怕,因你諗得太多,越諗越怕越負面越煩,你試下咩都吾好諗,順其自然,自己積極做人就會有將來,其實你應該同家人講下你失去左D咩令你好痛苦,有家人關心同支持好重要,自己講左出黎都舒服D.

有咩解決吾到就問家人,吾好自己亂諗野諗埋一面.家人係自己最親既人,又一齊住每日都見,有血緣關係,所以有咩放心同家人講.聽下佢地比你D意見.