屋企個牆有好多啡色既虫 好核突 有咩辦法先可以整走哂(20分~)

我諗你要將d書全部拎哂落來,
然後大掃除咁抹多幾次,
再噴殺蟲劑,當然都係唔夠啦,
我建議你清完d塵之後,唔好再放返咁多書,
因為好易又會再有蟲,
你應該放一d防潮既野喺個櫃度,
咁樣就會冇咁潮濕。
如果你唔大清一次,
剩係抹表面既塵,
好有可能積好多蟲你都唔知,
所以最後就係徹底消毒一次就最好啦!

此現象在每年雨季後出現,主要是潮濕引起的,我家都試過相同的情況.

我採用的方法是去家用品店買一枝抹窗用的東西,頭部用海綿做的,下面的鐵枝可伸縮,把頭部的海綿弄濕,(不可太濕滴水,否則有損墻上的乳膠漆,切記!!),把墻同天花板徹底抹一次,一邊抹一邊洗海綿,(整乾水份),不致把墻整污糟,洗一次就見效,不妨一試

主要係房間牆壁或天花受潮濕而引起的. 你家居近山近海就會容易有的情況, 可開抽濕機或冷氣機等, 這樣可以幫助抽濕令家居乾爽, 保持家居乾爽, 就無咁容易產生啦! 你亦可買濕度計測試濕度.
解決方法 :
你可以先用煙霧滅蟲焗死佢, 然後再將書籍拿出來清潔乾淨及放在陽光底下曬吓佢, 這樣可以防止書籍因潮濕而"歐"出來的.
霉菌就一定要用乾布去抺, 否則會將黑色一點點的霉菌越抺越黑, 千萬唔好用白醋或漂白水或滴露開水等物品來抺, 會令乳膠漆脫落, 到你你仲煩. 如唔得就要用200號砂紙輕輕打磨便可.
如果都係唔得就要重新剷底油光油批灰再油多功能乳膠漆啦!
漆油方面 :
至於用甚麼品牌, ICI 內有好多個牌子, 但水貨多, 巴馬士的沒有水貨, 但比較貴, 日本漆原廠日本制做較好, 市面多數是本地或大陸制做. 而菊花牌就是本地制做.
現時最好是買多功能漆油, 多功能包括有防霉, 抗菌, 防水, 特強附著力等.

如利登 ----- 價錢平, 質素好, 但少顏色選擇.
多樂士 ----- 價錢中, 質素好, 顏色多選擇.
護牆漆 ----- 價錢中上, 質素好, 顏色多選擇, 施工較繁, 合理做價應該高些.
麗明珠 ----- 價錢高, 質素好, 顏色多選擇, 施工極繁, 冇人鍾意做.
巴馬士的 ----- 價錢高, 質素好, 顏色多選擇及色彩較鮮艷, 最大缺點是貴.
日本漆 ----- 價錢高, 質素好, 防水較好, 但太結會髹時掃痕粗.
菊花牌 ----- 價錢中下, 質素好, 顏色多選擇, 施工容易, 是平價漆油中最好.
以上資料希望可以幫到你!

基本上很難根治，用殺蟲藥焗房間亦難到效果，因為太多書和雜物，房間又潮濕，容易惹蟲蟻，可以試試用抽濕機將房間的濕氣抽走，使房間干燥一些，減少蟲蟻出現，但香港天氣潮濕，抽濕機能起的作用效果不大，而且長時間開著抽濕機，費用亦會很大。根治方法，先將不常用的雜物用紙箱裝好密封，內放些「臭丸」之類的殺蟲藥。書籍亦可用同樣方法，或者將暫時不看的書用透明膠紙包起，要看時才拆開，然後將房間大清洗，用高濃度的漂白水清洗。不要開冷氣機和抽濕機，這樣會快速減低漂白水的氣味，減低了驅蟲的效果。還有晚上開冷氣睡覺，第二天早上將冷氣關掉，除了節省能源之外，還會增加房間的濕度，因為房間經一晚的冷凍，第二天打開房門，房外的熱空氣飄入房，遇上冷凍的物件，空氣中的水份便沾在物件上形成水珠，增加房中的水氣和濕度。方法是先將冷氣慢慢調低，使房間的溫度慢慢提高至與房間的溫度相同。可以在半夜開始將冷氣關小，到天亮打開房門便會與外面的溫度差不多，這樣便可以減輕房間的濕度。不相信便留意一下，一些帶眼鏡的人從有冷氣的地方出來，他的眼鏡是不是突然沾上一層水氣。

根治既話要搵滅蟲專家先得~~佢地用D殺蟲水勁D~~不過好大工程咁解姐~~呢個係唯一既解決方法~~TRYTRY~~