Big 4 (20分)

一個唔係讀會計既學生要入big 4，其實同會計學生無乜分別，前途同出路都係一樣，不過考牌時間會唔同。

通常big 4會係7月或者9月開工(視乎唔同公司而定)，咁會計學生最快會係9月尾就考第一次試，但係非會計學生最快只可以係同年12月考第一次試。

以今年2007年9月入職黎計，非會計學生會係暑假讀conversion programme，呢個programme係公司提供，讀完代表你已具備會計學生既知識，咁就可以報考hkicpa既試，12月考第一次。qp有4個modules再加一個final exam(FPE)先至叫考完試，咁你可以選擇每次考一個module或者兩個module，通常big 4既人都會揀一次考兩個，因為咁樣最快。跟住最快會係2008年5月尾考兩個module，然後2008年12月考FPE，咁就考哂試。

但係咁都未夠，因為要成為一個qualified既會計師仲要儲三年經驗，最快你會係2010年8月成為一個qualified既accountant。人工當然會三級跳啦，又係視乎公司俾幾多錢你，big 4 既價都間間唔同，現時既價至少兩萬咁啦，你跳下糟又會高薪d。

跟住，邊有咁快做partner呀。big 4既架構大致上係associate 1, associate 2, senior 1, senior 2, senior 3, mgr, senior mgr, partner。最快最勁個d都要八年先至做到partner，一般要十年左右啦，不過都唔一定升到，因為又係涉及人事問題。都算係自僱既，都係叫自己生意。你唔鐘意咪去其他公司做囉，做銀行又得，做internal control又得，做會計師又得，轉行都得，自己開會計師樓又得，真係你鐘意架咋。不過好多人都會選擇唔繼續做big 4，太辛苦啦，我指既係audit。