我仍愛他嗎?

我同你情況差唔多，但係你有一樣比我好，就係你老公會逗返你，我冇囉。我哋有一個小朋友，就快三歲啦，好得意、好乖，我哋試過窮到冇錢買奶粉，要把一餐嘅份量分三餐比佢。但係就算情況幾差都好，我會永遠記得我媽媽同我講過一句說話：老公係你自己選擇，當初係自己話要嫁。就係因為哩句說話，我堅持到而家，只要佢一日冇講話離婚，我一日都會留喺佢身邊。我始終相信唔會有永遠嘅陰天，總有晴天嘅一日，愛佢就要付出，即使付出我嘅全部，毫無收獲，我都無怨無悔，哩d就係愛！

我想問你倆個年紀係咪好細，如果唔係的話應該可以平心靜氣坐底慢慢講。其實點解成日為錢而嘈?邊一個主動嘈先?因咩呢?又或者o甘講，o係你或者你老公心目中大家o既地位有幾高，有幾深，錢可唔可以衡量到?其實講真錢真係好重要，但係錢買唔到真o既愛，真o既關係。幸福美滿o既生活唔係人人都可以垂手可得同埋你問o下雙方愛大家d咩，有幾愛對方!結婚係為咩?為錢嘈定為大家o既將來呢?希望你倆個可以解決到問題，開開心心一齊生活同埋生個肥肥白白o既bb啦!

我覺得你仲好愛佢, 你好驚無左佢, 所以佢氹你, 你就無事, 你仲更加會幫佢講好說話.

你最近覺得佢無用, 會唔會你地無乜鬧交, 佢無乜點氹你, 所以你覺得有問題呀?

竟然結左婚, 我覺得應該兩個人唔啱講到啱. 另一方面我覺得佢都講得無錯, 你應該諗下自己想諗, 因為事實上真係無人幫到你, 唔需要理人地點睇, 你自己覺得OK又唔影響到其他人就得啦

其實你地做得成夫婦，
係你地既緣份，
記住：百世修來同船渡,千世修來共枕眠！
如果你地走到最後一步覺得無法相處，
係因為性格上或第三者上！而決定分開！
我覺得無問題囉，
但你地之間既問題最主要係錢，
因為錢你嫌棄佢，你所謂佢講既好傷你心既晦氣說話，
點解佢會講﹖咪係因為你嫌棄佢之嘛！男人都有自尊架！
佢係一個男人，照顧你，因為佢愛你！比佢能力範圍比到你既嘢佢都盡量比你，
但點解你仲要唔體諒佢，為一啲身外物去先傷害大家之間既感情呢﹖
香港地有幾多人結婚後就有錢從天上降落黎比佢地﹖
無架，係靠大家努力之嘛！結得婚，之後既路就唔再係一個人，係兩個人呀！而呢條路係你地選擇架！
你既然講得生活都OK！佢對你又OK！仲要求咩呢﹖
佢對你既好唔足夠﹖
你覺得唔再愛佢係因為你打從心底覺得佢無用！
而唔係佢對你唔好呀！
心淡﹖為錢﹖因為佢比唔到你﹖唔可以好似未結婚前鍾意咩都買﹖
只要你直咁諗！你地唔會有幸褔，
無論你丈夫有多愛你！
你都唔會再珍惜佢！
值得咩﹖

呢個問題其實係錢既關系,,
我老豆佢地都係,,,日日都係嘈呢樣野...
但佢起碼盡力比佢能力範圍內可做到既野比你...

你試諗下你系咪因為錢先對佢冷淡??