被倉鼠咬到流血會否感染疾病

如果你唔係對鼠感敏,其實就算咬到流血,只要消毒之後貼膠布就可以了,當然如果傷口或身體有咩感到唔舒服,就要睇醫生啦

鼠冇咩病會傳人,唔同一般既老鼠,主要得一隻沙門氏菌係有可能,不過多數對人都冇咩殺傷力.有沙門氏菌就會肚瀉,鼠鼠幾日內就會死,但唔係次次肚瀉都會係沙門氏菌,唔放心既話,你隻鼠有類似情況而死,可以拎去俾獸醫睇下既.例如生雞蛋入面就有好多沙門氏菌,對鼠鼠唻講係好易致命,但對人就可能只係肚瀉,所以都唔洗太過驚既

以前d貴族都用鼠鼠唻做寵物,可想而知,倉鼠其實都算幾安全的
當然,如果俾鼠咬完,唔理傷口,都會有感染其他疾病既可能,任何傷口都係,唔止係俾鼠咬先咁

了解一下鼠鼠咬人既原因就可以避免俾鼠鼠咬,咬人既原因多數有以下幾個可能:

1.鼠鼠咬人多數因為驚,鼠鼠保護自己只係得牙同爪,所以驚起上唻就會用牙同爪去對抗外來者. 鼠鼠咁細隻,其實驚人我覺得好正常,好似如果有隻動物大你咁多倍,一手就拎起晒你整個身體,我諗都會幾驚.所以慢慢唻,俾d耐性同時間吧
既然佢驚你你就唔好太強迫佢俾你摸or抱之類住.去沖涼都困難既話,就用物品幫手,好似用食物盆運佢去or用野食引佢去沖,不過小心d唔好趺親鼠鼠呀

養耐左都同鼠鼠唔熟,都可以試下再同鼠鼠熟返:
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
3)再熟d再試下俾野佢食既摸下佢頭or身
4)佢都唔抗拒之後,可將食物放在手心,等佢行上唻食,慢慢佢會習慣左你既手
5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱.

2.鼠鼠唔舒服既時候,可能你輕輕一抱就令佢感到唔舒服,又或精神上都會特別敏感,因為自己弱左就更要保護自己.
仔細檢查鼠鼠既身體有冇異常,檢查下鼠鼠既排泄物,同埋個籠會唔會有野整親鼠鼠.

3.有第隻鼠一齊住既話,都會易咬人.兩隻或以上既鼠一齊住既話,其實好易會打交, 打交係因為倉鼠本身就係獨居動物,根本唔適合同其他鼠一齊住既. 佢地既地盆意識好強,到發情既時候先會一齊,我睇書講過,外國既倉鼠繁殖場,都係一隻籠一隻鼠,再到交配既時候先放埋一齊一段好短既時間. 成日都keep住要抵抗敵人既情緒,即係較神經質,咁就好易動不動都想咬人

4.太餓,唔夠野食就會亂咁咬,搵野食,可以一次放多D食物落去,等鼠鼠有較多既安全感,但留意食物唔會變壞先可以

5.你手有食物既氣味,鼠鼠有機會會誤以為係食物而咬落去

6.牙痕
倉鼠屬於齧齒目動物,牙齒入面既齒髓腔唔識得去閂埋,所以牙齒會不斷生長既,如果唔磨牙,就會令牙齒過長,太長會令鼠鼠食唔到野,合唔埋口,甚至插穿鼠鼠既口,咁係會死既,所以鼠鼠係好鍾意咬野.
所以如果鼠鼠既牙長到合唔埋口or食少左野,就一定要搵醫生同鼠鼠剪牙,唔係就好易死架啦
專整俾鼠鼠咬既磨牙石or木係針對鼠鼠磨牙問題而設,所以我覺得係比較好既.都可以買鹽璣OR較硬既食物棒(一支木,外面有食物包住)俾鼠鼠咬

7.懷孕既鼠都會特別精神緊張,從而成日咬人

Good

隻倉鼠冇病都唔會感染疾病

要see下你隻倉鼠有無病,如果無都要see下你被倉鼠咬到個位置有無腫脹和好疼就唔好再坐係到啦!!!快d see醫生啦~~