怕醜男真誠分享

我自小(10歲左右)到依家(17歲),一同D較年輕或漂亮的女仔見面或交談,就會緊張甚至面紅,對住D女同學都係o甘,所以我o係學校都不太受女同學歡迎。

但不知為何自己很重視女同學對自己的評價,她們的一兩句說話可以令我的心情起伏很大。
有次,同兩個女同學傾開計,其中一個話:「.......(省略部份),o米係lo,你又痩又矮,叫XXX (我鐘意個女仔) 點鐘意你呀?」
就係呢句野令我down左好耐.......但我知道D女仔並不討厭我,因為我為人自問唔差,肯幫人,又玩得,對朋友好,個樣十分正常,所以佢地都願意同我講野,但就係淺交,毫不熟絡。

我性格好正常,朋友都多,但就係對女仔怕醜非常。
上文提到我鐘意個女仔其實有五年o甘耐,但可能就係因為我對女仔怕醜,唔夠Man同又痩又矮,所以完全唔騷我。依家佢都拍緊拖了,好幸福,我就好嬲自己點解比唔上人地,好痛苦......
其實我自問完全唔係電車男o個種.......

想問下各位對我有乜睇法同意見。讚同彈都歡迎,多謝.......