怎麼辦他會回家?

你的問題是甚麼?
他會不會回家?
你應該怎麼辦?

現嘗試分析一下情況。
首先你老公同第三者是十幾年同事，一向好friend，咁就好麻煩。因為佢地有堅固的友誼基礎可以發展關係，所以回心轉意的機會好渺茫。

其次，他回家後已明確表示仍很記掛她，決定要找她，證明佢即使返返黎，都係因為個女人唔考慮佢，你係第二選擇，你個身份好被動，完全睇佢果邊發展如何，你先有少少機會同佢一齊，處於被動地位的你，會係最痛苦的一方。

你問題的答案好明顯...
1)他會不會回家?
不會
2)你怎麼辦?
長痛不如短痛，你老公唔駛恨，佢個心根本已經唔係你果樹。
放生佢把啦，放過別人就是放過自己，
唔好覺得自己好失敗，連個男人都縛唔住，
當初冇人迫佢選你，佢同得你一齊，又要搞婚外情，咩理由都講唔通，
今次係佢負你，唔係你負佢，你可以抬起頭重新做人，
活得比佢地好就係最好報復方法，女人當自強 ! 加油 !

2007-08-31 21:38:05 補充：
如果你真係好唔捨得，或者，假使佢回頭，你確信自己可以完全既往不咎，咁就努力咁搶佢返黎，人地話女人變心就會變得好狠，唔會回頭，但男人變心之後，反而對舊愛有份愧疚感，耐唔中會關心你會否活得好，只要你同佢保持 "朋友"關係，唔擔保冇再續前緣的可能。好似畢彼特為安祖蓮娜同老婆離婚，追求新戀情的新鮮感同熱情當然令人好快樂，但熱情過後，咪又係平淡似水，聽講佢e +同舊老婆過從甚密，搞到安祖蓮娜發曬火。不過要睇自己的承受能力，因呢場係汰弱留強的硬仗，如果你覺得同新歡鬥命長的情況，令人太倦或唔係咁值得，倒不如忘記過去，當冇識過佢，瀟灑離去，不帶走一片雲彩。

你喊都冇用,佢都唔會返來!活得比佢好仲實際!

我覺得呢個男人唔會再番黎了.....

因為佢都唔再中意你同唔想番黎呢頭家.....

就算佢番黎都只係名義上....

個人係度但個心唔係度....錦都冇用啦.....

其實之前話要冷靜個時都說明左佢唔會再番黎啦.....

錦經過禁耐佢反思過都係話掛住個個人...仲要搵佢.....

仲搞埋分居手續...錦表示佢已經唔再留戀呢個家啦.....

呢d男人唔要都算啦....同個個人識左禁多年又禁fd......

都唔知係咪一早就中意個個fd...但仍然同你結婚...

晒左你d青春啦....無謂再等呢個人了....

學下自己獨立生活...搵過一個好過佢的男人吧......