about倉鼠...

如果倉鼠完全地冇食野,係可以好快死既

人唔食野可以頂到一段時間,就係因為人有身體,脂肪去消耗,而咁細隻既倉鼠,根本唔會有好多肉俾佢消耗體力,所以完全唔食野既情況下,就算只係1日冇食野,都已經有可能有血糖過低既情況,甚至有實驗指出,鼠鼠唔食野半日,已經會因為咁而死

當然,隻隻鼠既體質唔同,好難話唔食野幾耐就會死,但就千萬唔好忽略唔食野既問題,有野食而唔食既話,鼠鼠可能已有重病

如果係冇晒鼠糧,可俾住d白米頂住先,但當然要盡快買返d糧啦,我覺得唔好俾蔬果唻代替鼠糧
俾鼠鼠食既野好影響鼠鼠既身體,亂咁俾野鼠鼠食,好易會令鼠鼠唔舒服,例如肚瀉,膀胱炎等,我就建議唔好俾蔬菜俾鼠鼠食,原因如下:
1)鼠鼠多數鍾意將食物收埋入腮再去安全地方收埋(有時鼠鼠放入腮但都會好似食緊咁),之後再食,新鮮食物咁處理既話會好唔衛生,好易到食物壞左鼠鼠先進食
2)好多蔬菜都會有農藥,人食既時候整得唔熟都已經有問題,而鼠鼠既體積咁細,極少農藥都會做成問題,所以俾鼠鼠食係好危險既
3)咁多水份既食物好容易令鼠鼠肚瀉既,肚瀉對鼠鼠唻講係幾嚴重既病,好易會死架.就算毫無農藥成份既蔬菜,都好難控制俾幾多蔬果俾鼠鼠食,好易俾過多,所以唔俾好過
而鼠鼠本身住在沙漠,所食到既植物都同蔬果好唔同,水份一定好少
4)其實人類既食物大多數都唔適合鼠鼠食既,有d食物可能好少份量已經會超出鼠鼠可承受既鹽or糖份(果糖都係),又或會對鼠鼠係太刺激食物等,食得唔健康好易病既

如果你既鼠鼠有野食,但又唔食,就有以下既可能:

1)可能鼠鼠食過其他野,對糧食要求唔同左,食過好食既,好易唔食冇咁好食既鼠糧,但絕對唔好因為咁而再俾人既食物俾佢食

2)新既糧鼠鼠唔慣

3)天氣熱,有時都會食少左野
消暑方法:
夏天太熱時,可以用風扇遠距離咁吹下鼠鼠,又或可以用散熱板(不過唔係隻隻鼠都會用)
市面都有俾熱天用既用具,冷氣梳化or一塊板,係放d野入去再會凍既野,用完要再入既,我試過係唔好用既,因為會有水整到出唻,而且唔係真係咁涼. 都有睇過方法話放支冰水在旁再加毛巾,都試過唔似有用,鼠鼠唔會特別去涼,亦都唔覺會涼好多.仲會好多水整落毛巾甚至漏出唻...
所以我本身就用風扇遠遠地咁吹+散熱板.

4)情緒問題,可能有打交情況or有咩令鼠鼠驚
睇你一籠好似多過一隻鼠,其實倉鼠係獨居動物,根本唔適合同其他鼠一齊住既. 佢地既地盆意識好強,到發情既時候先會一齊,我睇書講過,外國既倉鼠繁殖場,都係一隻籠一隻鼠,再到交配既時候先放埋一齊一段好短既時間.

5)食得太少,少到你唔多覺

6)可能鼠鼠身體唔舒服,所以冇胃口食野,要仔細檢查鼠鼠既身體同排泄物
佢冇力去食最好就餵下佢,放近d佢
可以試俾d白麵包同麥片,睇下佢食唔食

可以生存三日!!

點解你會問呢個問題呢?
其實倉鼠可以食好多種類既食物，
vegetables、水果..
你可以比呢d食物佢食先既。
我諗都可以生存到五日既。