有左bb係咪要去醫院登記book床位ga??點樣做先岩呢??網上有冇得搞??

我唔知私家醫院會點做~因為我響聯合登記ga...
醫院會要你出示驗孕證明ga....當然唔係拎支驗孕棒比佢就得啦~
你自己驗到有左...都要去d診所比$100左右驗一次ga...
之後個醫生會寫張轉介紙(即係驗孕證明啦~)比你...
你拎住呢張紙去你要去ge醫院(婦產科)做登記
佢有d form要你填..(記得帶身份證..最好帶埋老公ge身份證<---副本都ok)
填好左就會安排你幾時幾時返去覆診咁lor....

另一個方法就係直接去你附近ge健康院做登記
健康院會一直同你做產前檢查~
到你34週左右就會安排你預備去邊間醫院生(一般都係響番果區ge醫院生)
好似住東九龍就會去聯合生咁啦~

p.s.你最好事先上網check下你去ge果間醫院或健康院ge辦工時間先wor...^^
應該係冇網上登記ga wor....

可以直接去最近ge醫院或健康院先登記約時間開始檢查，政府分區的，最好先打電話confirm下自己ge住址是否屬於個間醫院或健康院．一定要親身去，仲要帶備有關文件（身份證，老公個張ge副本，如果你之前係西醫度驗孕會有封証明信的，請帶埋）

準備資料搜集一下私家婦產科醫生作定期檢查，本人係QE檢查時個姑娘話因為太多人ge關係，未必有足夠ge檢查，建議我自己再睇私家醫生會穏陣d．每個決定都先與屋企人商量一下會好d．

GOOD LUCK