中旅社一問

中旅社個網頁要逐間逐間酒店揀入去，然後要等佢地回覆，比較麻煩。不如你睇下油麻地旅遊個 website（如下）啦！

http://www.hkf.com/hta/htaweb/main_c.htm

入到版面你會見到左邊第三格是「澳門、廣東、香港酒店及自由行」，按入去後你就會見到好多澳門的酒店，指著價錢按下，就會見到大部份澳門酒店的週一至週日價錢表。雖然是 8 月份的價錢，但你都可以參考一下。所列價錢已經包括雙人來回船票及一晚酒店住宿（有些或會包早餐）。

以「利澳酒店」為例（你入左去價錢表後 4 星酒店第 2 間），星期日去星期一返香港的套票價錢是 $1,205；而 5 星級的「銀河星際酒店」就要 $1,685。

澳門一般酒店都是週一至週四最平，跟住週五、週六就比較貴，到週日入住又平番少少，因為好多香港人都諗住星期六去過一晚，星期日唔駛返工或返學可以玩耐啲，所以通常價錢會貴少少。如果星期日先去澳門，好多人都要星期一請假。少人去，價錢又會平番啲。

我每年最少都會去一次澳門，問過幾間旅行社（包括中旅社、油麻地旅遊、錦倫旅運），其實大家出既套票價錢都相差不大（約 $100 - $200），一般 4 星級酒店如果係揀星期日去星期一返，約 $1,000 - $1,200，但過咗暑假可能又會平少少。不過我就會選擇去中旅社買，覺得始終比較靠得住。

如果你有時間，可以直接到上環信德中心（即係香港搭船過澳門嗰度），離港出境那層有好多旅行社和專門賣澳門船票及酒店的店舖。你到這裡查詢比較方便兼可以直接問價，甚至即日買船飛過澳門也可以，有時仲會平啲添！

希望資料幫到你啦！
圖片參考：http://hk.yimg.com/i/icon/16/1.gif