兔仔&兔仔用品ge價錢(15點)

1.我建議養賓尼兔,長長嘅耳朵好可愛,我而家隻係全白色,有些少灰毛,性格溫純,如果你想養並他嘅,可以上網睇下......保護遺棄動物協會

獅子兔
如牠的名字一樣,是擁有獅子鬃毛般毛髮的兔子,體型圓滾,顏色有白色及褐色等多種,即使長大的成兔,體重亦不會超過3公斤。

侏儒兔
如名字一樣是一種小巧而可愛的小型兔,特徵是體型及尾巴短小,而體重一般是1-2公斤左右。

賓尼兔/垂耳兔
兔如其名,牠擁有垂下來的耳朵,個性也非常溫馴。

家兔
家兔的特徵是豎耳、面尖、體型較大，一些體重可達到3.5公斤左右。


2.我以前買過100蚊一隻,睇上去好健康,但係唔夠一個月就死左,我好難過,後來係網上,d網友講可能有d店比d近親生嘅兔兔我,一般而言,佢地會好易死,我嘅朋友後來買左隻380蚊,到而家一年都幾好,所以你買嘅時候睇清楚,

3.兔兔需要嘅,係上面個網有講,我幫你做個初步估計,不過可能有偏遠,有差距嘅請勿見怪


養兔兔需要準備以下的基本設備 :

1.兔兔...150-350蚊都有,你睇下自己嘅預算

2.平地型的籠子...有大有細,... 150-300都有,睇你想買幾大囉

3.飲水器,....40蚊左右....瓷器飼料隔,乾草盒 ..我買10個

4.便盆,...幾十蚊都有

5.磨牙石或啃木...10蚊左右都有

6.梳子,....40左右..指甲剪...40-60蚊都有

食糧...草..兩種,100蚊唔駛(請上網睇仔細資料)


因為間間店價錢都有d唔同,我去d細細間嘅店舖,就平好多ge..但係買兔兔就要小心,


希望幫到你...養兔兔最好抽d時間上網睇下點養...^^...我好鍚我隻兔兔ge

其實本人也曾經養過兔仔,不過是養普兔!
如果養ge系賓尼兔或者侏儒兔,太約係100-500元左右!
但係我'見'意你養普通兔,因為第一次養兔要有好多的愛心!
如果你沒有時間照護佢,不如就唔好養啦!
如果係普通兔太約係20-100元左右啦!
兔仔有好多野要用!
兔糧,木'看',水瓶,草,兔仔零食,草餅,兔籠......
兔糧:用來給牠食
木'看':用來吸牠的屎尿
水瓶:'莊'水
草:日常吃用的
兔仔零食:用來做飯後甜物或獎勵
兔籠:=牠的家
兔糧:50-200元
木'看':50-100元
水瓶:10-95元
草:50-300元
兔仔零食:10-200元
草餅:20-500元
兔籠:100-1000元
一定要愛護牠!^^

賓尼同侏儒約$480-580左右,都係公價,間間都差唔多價錢......
如果係最平應該係家兔,即係純白色身體紅色眼果啲,我見過$40-60一隻,不過我驚佢會好快死,因為細細個養過唔夠一星期就去左,雖然錢係考慮因素,但係最重要睇你鐘意邊類型!!!
其實冇話分邊種兔兔,除左家兔會變左好大隻(咁要再買大啲既籠)之外,其他好似賓尼(我果隻),貓貓同侏儒,咁我就可以大約話你知 :
1) 籠 ~ 有平有貴,平既百幾蚊已經有,貴既600-700都有,有其他網底既籠都唔過$200,不過一定要另配豬仔板兔兔先唔會生腳瘡!我開始時買左個膠底既都係$110,但係用左一個星期我覺得佢唔好用,要成日換紙砂,好快用完一包15LITES既紙砂,而且兔兔成日沾到啲便便尿尿,又想換個大啲既,就買左個$700既,係貴但係佢住得舒服嘛!!!
2) 糧 ~ 大約$70幾一包到啦,都可以食好耐,每日早同晚各一匙
3) 草 ~ 一條好似木糠咁大既約$30-40左右,但係果啲大多數多枯草同埋唔夠多莖,兔兔開頭都會食,我之後都轉左去旺角金魚街Q兔廊買磅草,10安士$30,20安士$58,新鮮好多,而且多莖同芯兔兔鐘意食
4) 廁所 ~ 大約$40-50左右,視乎大細同型狀
5) 廁所砂 ~ 大約$40-50有8LITES,我覺得WOODY CAT幾好用,吸水力強同吸味唔會太臭
6) 紙砂 ~ 建議用紙砂唔好用木糠,因為木糠大塵會令到兔兔鼻敏感,$70-80有15LITES,$140有35LITES,如果大包啲會平啲,但係太重好難搬返屋企
7) 食物兜或者草架 ~ 幾十蚊有啦,睇下款式,不過兜就要揀重身啲既,唔會翻轉個兜
8) 水樽 ~ $40-60,要買大啲既,佢愈大隻飲水會愈多,天氣熱都會飲好多水,最好配備兩個同時使用,唔驚冇水飲
9) 散熱鋁板 ~ $150-170,用黎放入個籠到俾佢當床訓既,因為會有啲冰涼感覺佢會冇咁熱
10) 出街既手提袋 ~ $200UP,睇款靚唔靚,亦可以用狗仔既出街袋都得,可以既話買兔兔專用既,底部有塊木板隔住佢唔會踩返自己啲大便同小便
11) 草磚 ~ $20-30一包,用黎磨牙,不過係小食,唔駛成日俾,當然俾佢食佢就會好開心啦
12) 指甲剪 ~ $30-60,得閒要幫佢剪下指甲,以免佢反甲
13) 針梳 ~ $40-60,每日要梳毛,以防佢清潔自己時食埋啲死毛落肚
暫時應該係得咁多,你可以參考下!!!
注意 : 沖涼粉,營養水,止痾水,都係冇益既野,嘥錢,冇用仲會對兔兔身體唔好,千祈唔好買
另外最好當兔兔返左你屋企大約2個月,等佢安定左唔驚或者慣左新環境後, 帶佢去BODY CHECK, 一般診金$220(九龍城DR. BETTY),藥物另計!!!
其實可以考慮兔協領養,果到啲兔兔識去廁所而且好乖的,你又可以減左買兔兔既錢!!!

不如你去兔友協會度領養la,嗰度隻隻兔兔都活潑精靈,佢地好多都幫兔兔絕咗育,你第一次養有咩唔明又可以問佢地,而且嗰度有齊養兔兔最基本ge用品賣,呢個係佢地ge website:http://www.hkrabbit.org/