BB 狗一問 急 ! 吾該 !

你隻小狗係咪啱啱買返黎呀！
仲係好bb哩，
因為小隻去到一個陌生環境，
就會咁架啦！
話晒佢之前都有其它小狗陪伴佢，
你買左佢返黎，佢初初一定唔慣！
所以好多舖頭賣狗都會叫你，
買到返去，最好唔好掂佢同比佢周圍走，
一直放响狗籠度，夜晚放多啲公仔入去，
再用一塊大布蓋住狗籠出面，
如果你一帶佢返家！
個個鍚佢，又抱佢同佢玩，
小狗就知道原來主人好鍚佢，
到夜晚，無人陪，咪叫囉，想你地理佢之嘛！
而家唯一可以做既就係唔好再理佢，
你可以話殘忍，
但一定要比佢習慣，
唔可以太遷就佢！
小狗其實可以响朝早時候盡量同佢玩，
等佢夜晚攰，訓教都會訓耐啲，
但你隻小狗如果針都未打齊，就唔好啦！
怕有菌對小狗唔好！

2007-08-28 18:43:41 補充：
檸檬汁我未聽過喎！而家得2種辦法，1.絕對唔好心軟！2.抱住佢訓囉！佢要人理佢之嘛，佢肯抱佢，咪唔會再叫囉！不過記住，打齊針未﹖如果未打齊，好易有菌架！對小狗唔好！你唔理佢，係對佢最好既方法，最多第時鍚佢多啲補返囉！

狗狗睡眠時間長短不一, 不過年老的狗和幼狗睡眠時間較長. 佢叫多數因為驚, 我有三隻八哥, 狗狗到新環境未習慣, 所以就叫.

我啱啱都養一隻BB狗, 都一樣冇覺好瞓, 要個幾星期至好啲. 以下方法你可以試試, 你可以放佢喺房. 我隻唔肯喺籠, 所以我放佢出黎, 我喺個籠度墊咗塊毛巾 (籠嘅一半大小), 然後喺籠角落頭放咗一個細暖水袋 (因為我開冷氣, 怕涷親佢). 另外,喺籠外面放咗自己個袋, 上面再舖條BB被. 我唔肯定係咪, 佢聞到我嘅味, 佢會兩度都瞓吓. 雖然都有時會醒吓, 不過冇叫得咁厲害. 好奇怪, 我啲狗都好鍾意瞓喺我個袋上面, 嗰個係大袋.

其實日頭我都要返工, 佢都喺籠瞓. 到放工我會同佢玩多啲, 盡量到我瞓佢至瞓. 等佢攰啲同慢慢適應我嘅生活習慣.

2007-09-01 22:16:13 補充：
你可以抱佢瞓, 不過會有機會縱壞佢, 將來你唔抱佢就嘈. 我開頭幾日都有比佢上床瞓. 不過佢喺床賴尿. 之後, 我唔比佢上床瞓, 佢一樣嘈. 結果, 我就用上面嘅方法. 另外, 你試吓瞓覺熄燈前同佢講, 瞓覺啦, 唔好嘈. 佢通常都會繼續嘈吓, 你就同佢講多兩次, 又摸吓頭. 你忍耐多兩三日(冇覺好瞓), 就應該會冇問題.我都用過檸檬汁加水, 然後用一個噴水壺. 佢嘈就噴佢一下. 不過, 我用嚟噴另一隻兩歲嘅狗狗. 佢一聽見門口有人就沖向門口不停吠, 但係作用不大. 而且你隻狗狗咁細, 又未打齊針, 我唔係好建議, 我怕佢會攪到傷風.

2007-09-01 22:17:17 補充：
檸檬汁作用係檸檬味道(酸味)令狗狗唔係好鍾意 (通常即刻打乞嚏), 當佢每次吠, 你就噴佢, 慢慢佢就學會唔吠. 不過唔係對隻隻狗都有效.