邊隻乾粉好用？＊１０分＊

ＨＩ！
好多人都係會上完粉鼻翼，人中近鼻子個位，
又或者近嘴角都會有好似甩皮咁架～我以前都係咁！
但係世上冇一隻粉係咁神奇, 又遮瘕度高,搽完又唔會好粉好乾好甩皮咁架!

其實，上粉後甩皮係表示你之前既保濕程序冇做好或者唔夠喔！

你唔需要特登買過另一種粉底架～！
以下係我建議你可以做既野！
（＊數量代表重要程度喔！！）

　＊＊１＞朝早起身洗完面上妝前一定要用濃度較高既保濕化妝水（爽膚水），
　　　　　再用已沾保濕化妝水的化妝棉，敷o係你上妝後容易甩皮＆脫妝既部位，
　　　　　大概２分鐘，取下化妝棉後，輕輕力感覺下果Ｄ部位有冇軟化左既死皮，
　　　　　如果有，用棉花棒將佢輕輕力刮走～咁就避可以基本避免甩皮啦！
　　＊２＞上妝前用既乳液、隔離或者防曬：
　　　　　盡量選擇有保濕成份，如：玻尿酸，膠原蛋白。
＊＊＊３＞上粉用既海棉／粉撲：
　　　　　 - 用保濕化妝水沾濕海棉，如果太濕，就用紙巾印一印，
　　　　　　摸下塊海棉，如果佢既柔軟度同你耳珠差唔多，咁就可以沾粉啦！
　　　　　 - 如果太浪費，又或者保濕化妝水係高濃度，你可以用水稀釋化妝水，
　　　　　　再沾濕上粉既海棉。如果仲係覺得太浪費，淨係用水都得既，
　　　　　　但係效果當然冇咁好啦～
　＊＊４＞沾粉時，盡量唔好一次沾太多，同埋如果覺得上粉既海棉開始有Ｄ乾，
　　　　　咁就再次沾濕啦！
　＊＊５＞容易甩皮既部位粉唔好太厚！上果Ｄ部位既時候，建議你用沾濕既海棉，
　　　　　沾少少粉，加一點壓力把粉以及海棉內的水份壓上去喔！
　　＊６＞上完粉底之後，可以用少少比較稀（稀釋左）既化妝水噴全面，
　　　　　當然唔好咁近噴啦！！再用手指頭輕輕拍打，等Ｄ化妝水同之前既粉底，
　　　　　更貼服o係你既皮膚上喔！咁樣你既底妝，就會超自然喔！

而你既ｂｕｄｇｅｔ係＄２００以下，
我建議你真係唔需要買過個粉底，用以上招數，你既問題應該已經可以解決！
到用晒你用緊既粉既時候，我會建議你買水粉底，
係台灣美妝大師出既品牌，好好用，唔易脫妝！
但係由於係台灣先有得賣，要搵人代購，差唔多＄１６０－１７０。
同埋建議你，唔用呢隻既話，盡量用濕粉！
當然乾粉都可以，但一定要注重上面既招數喔！

如果你唔知買咩化妝水或者其他野，用你既ｂｕｄｇｅｔ，我提議你買以下既野～
１化妝水（爽膚水）：(是但一隻就得架啦!!)
- KXSE 藥用保濕化妝水：濃度較高，超保濕！可稀釋用於上妝海棉！($80-100不等)
-> 我係網上買的! 唔知邊Dshop有得賣～
- Watxr2 温泉水保濕化妝水(綠色)：正常濃度，很保濕！可直接用於上妝海棉！($65-70)
-> 呢隻係萬X 買, 冇特價成$135一支...有特價就會買一送一!! 網價就係以上價錢!
同埋買既時候睇清楚佢盒上而係寫爽膚水定係洗面(顏)水..因為佢包裝一模一樣的!!
２去日X城 或者 10蚊店 或者 果類既舖頭，買個果Ｄ人地旅行裝既有噴咀既樽，
　可以裝住你稀釋o左既化妝水，或者正常濃度既化妝水，咁樣噴o係上妝海棉就唔洗
驚好o徒啦!!~ 上完妝仲可以噴多層做你既第一道保濕防線！
　　-> 我見過既都係$10一pack, 有一個噴咀樽加埋其他細樽或者盒！
　　-> 同埋有大有細架~ 你可以買一個你覺得可以隨身攜帶既size,
咁你出街覺得開始脫妝或者又有甩皮既話, 就噴落之前上妝既海棉,
(海棉上面一定有D粉架啦!!) ,之後就可以補妝又或者比甩皮部位補充水份,
而又唔會補佐水份但D粉又甩佐啦!!
-> 記住呀! 一定要用返之前上妝果去海棉唻補水補妝, 如果你用一塊新既,
咁你既粉底就會比濕既海棉印走架啦!~



最後, 其實, 如果皮膚唔好, 再好既粉底都冇可能搽佐會好似皮膚好好咁!
最重要係平時保養好皮膚!! 咁你就用咩粉都會好好啦!! ^^

唔好意思...打得太長!! 但係係我既心得!!! 希望幫到你啦!!! ^-^

Lolo只適合面部無乜瑕疵、無暗瘡印兼無紅印黑眼圈者，佢啲粉無錯係好薄好貼，但零遮瑕。

Armani　濕粉好貼好薄，但係都係唔合瑕疵較多者，如果閣下只係要濕粉底來均勻膚色，你可以考慮佢。但Armani乾粉就真係會乾到用兩個鐘已經出裂紋，自問皮膚好油，反而合用，但係乾膚質及長期留在冷氣室的女士就一點都不合適了，而且用後三小時會浮出粉沫唔貼。

Laura Mier　我現在用緊，唔好用。因為好立，唔自然，亦算厚。抹上後唔舒服。佢啲loose powder都唔得，唔使買。佢係得base 好掂！

Shiseido　就係因為佢成日比人話好用，但係我自己親身用過佢至少三隻濕粉，超過兩隻two way cake，住隻掂，質地好滑，但係厚到無影，如果你係用來借瑕就好OK，但係如果你係平時化妝，會嚇親同事。街上好多女仔，你見到佢成尺厚ge妝，好多都係用Shiseido，用佢記住要塗埋頸，唔係會兩隻色。

BOBBI BROWN的濕粉係我用過咁多隻最Fit的，我都係combination skin，佢好貼，然則佢係唔算簿，但係抺一下已經好遮瑕，唔似重覆抹兩次，而且色多，所以好易選同自己膚色一樣的顏色，唔會有過白的情況。而且佢last得好耐，如果你出面油，只要用佢loose powder已經可以keep住個妝到晚黑出街。但係佢最近出咗隻Oil Control，我就未試過嘞。

M.A.C係計BOBBI BROWN之後最好用的，平價啲你可以選呢個。但係唔知係咪我心凝住，覺得MAC無咁透氣。

村秀的胭脂絕對地唔好用，質地本身就係唔好。推介NARS胭脂，早上九時掃過下午四點照鏡重係面紅紅的，勁貼面。如果要完全唔浮粉，你可以去Benefit,買Benetint，又係心水推介，超自然，但係你要印上面，因為佢係水狀，我唔化妝都用佢，隻色好到無人知係抹胭脂定係面色好。

我都係包包面，其實你只要選了合適的濕粉（要同你原膚色同一號，唔好白一號喎），平均抹上面上打好base,然後你再買一隻深一號的濕粉，用中指沾上適量，然後印上左右腮骨位置，再印開。便打好陰影，面會望落瘦啲。

光影粉推介Sofina或者BOBBI BROWN都OK。

用眼影來Highlight得，但係你要用手指上，如果用掃上會好浮的，用埋，眼影粉比較貼，技功不夠，會把光影做到油光滿面似的！