(40) 嚴重抑鬱, 我真的很痛苦! 你知道從擁有轉為沒有, 這個過程是很痛苦的!

好多時 , 人唔開心既時間 , 會做D咩 ? 我答你 , 佢地會求神問卜 , 佢地會搵人傾吐 , 佢地會借酒消愁 , 佢地會收埋自己 .....

無論你係邊種人都好 , 結論都係得一個 ... 就係心結 !

你先得十幾歲人 , 睇野就去到咁灰 ? 如果我話 , "呢個世界大把人慘過你啦 !" 你會點睇 ? 你會話 , 關我咩事呀 ? 啱 , 事實上真係唔關你事 ! 我十幾歲女時 , 同你一樣咁諗 , 成日問自己 , 點解自己咁命苦 , 生於一個咁既家庭 , 13歲就冇讀書 , 出黎做野 , 我既同學 , 15/6歲既時間 , 就頭痕緊揀邊科讀 , 但15/6歲既我就頭痕緊 , d 五金可唔可以趕得切起貨比人 !

同人唔同命 , 一樣米養百樣人 , 呢d 說話 , 我聽左過千次 , 但結果呢 ? 我咪又係要繼續苦落去 ! 身為女兒家 , 偏偏要頂埋做仔既果份 , 返工比錢屋企 , 媽咪中風 , 要同佢走上走落 , 抹屎抹尿 , 講緊既係 .... 我既同學正搵緊邊間學校升F.6 ....

點解一個十幾歲既女仔 , 唔可以有個咁既童年 ? 呢個問題 , 我問自己超過一萬次 .... 結果呢 ? 答案呢 ? 咪就係 , 因為我係我囉 !

人既生存 , 唔係為左自己 , 原來 , 人一出世 , 就係為其他人去生存 , 只係 , 個個人為既目標都唔一樣 ! 呢番說話 , 我唔係要話你知 , 我有幾咁慘 , 因為講慘 , 我身邊大有人在 , 就算我幾窮 , 幾慘 , 幾痛都好 , 邊個得閒理你感受 !

話你知丫 , 我由細到大都好想學琴 , 但屋企窮 , 只可以偷偷跟同學仔去陪佢練琴 , 當個MISS一行開 , 我就可以掂一掂個琴 , 叮叮聲 , 冇意思既音附 , 我唔慘喎 ! 最起碼 , 我都叫做掂過個琴先丫 ! 哈 ~

我媽咪由細到大 , 鍚我好既時間 , 你知唔知係咩時間 ? 話你知丫 , 就係 , 我細佬唔喺樹時 , 我出糧時 , 我肯14歲女去D舊村度 , 對住一間成倉都係小強既鐵皮屋串膠花時 ! 串膠花 , 相信你聽就聽得多 , 但肯定你未見過 , 唔好講話未丫 ? 叫你想象都難 !

人大左 , 諗返轉頭 , 係咪我既錯 ? 我上一世係咪欠佢好多等等等等 ...既問題 ? 日日反覆咁問自己 . 結果 , 從果十幾年既所為童年生活裡面 , 我學會 , 包容 , 我學會理解 , 我學會體諒 , 我更學會隨緣 ....

我地既人生 , 前面既路有幾難行 , 我地當然知道 , 但後面呢 ? 之後點行 ? 邊個陪我行 ? 我真係唔知 , 唯有既係 ... 隨緣囉 ! 既然我明白到 , 我來呢個世上 , 都唔係自己揀既 , 咁重要執著D咩 ?

而家 , 我冇比以前好過 , 冇比以前幸福 , 但我比以前清醒 ! 我明白到 , 世事又豈能盡如人意呢 ? 既然係咁 , 咪又隨緣囉 ... 或者個天覺得我太多唔開心 , 佢敬左份禮物比我 , 佢將一份可以令人開心既禮物 , 喺不知不覺間部比我 ! 呢樣野就係 .... 笑 !

同時 , 當我學會笑既時間 , 我發覺 , 我身邊既人同事 , 都喺我不知不覺間產生變動 !

放心 , 我唔係教徙 , 我冇打算踢你入會 , 既然有緣睇倒你呢段文章 , 我冇理由唔做返D 野既 ! ^^ 我每次一有病 , 就會上去搵呢個醫生架喇 ! 記住呀 ! 睇得好 , 記得介紹比身邊既人 , 好野就哽係要分享啦 ! ^^

http://web.ntust.edu.tw/~B9110036/games/smile/04_01.htm?Submit=%A6P%B7N+%7C+accept

有抑鬱症現今已是非常普遍現象，而且絕對有得醫，每個好番的病人都表示："現在好番之後情緒平伏左好多，生活好過了，諗番之前抑鬱的日子，如果早點求醫就不會浪費這麼多時間了"。
在網上已有很多有關的資料，你只要積極求醫，整個生命的方向便會改變，不要再留在現在狹小的生活圈內，眼光放遠些吧。

p.s. 我曾看過有關抑鬱症的書內有一句，患了抑鬱症的病人是生理上有問題的，單靠別人傾訴開解是不會痊癒的 (當然有人支持心情會好過點)，患者也很難靠自身意志醫治自己，醫生會依據病情處方，適當藥物可令病情於一個月內改善。
所以快點睇醫生吧！已經有很多跟你一樣的人睇完醫生後醫番好的！

朋友.雖然我拥有幸福家.有樓.有個可囡囡.我都試過情緒底落.有想過自殺.每當我有這
想法.都尋求方法解决.
1.吃海鮮.可以令情緒好些。
2.和兄弟.姐妹.朋友.傾吐.或大哭.或自己大哭一場.哭完會覺得舒暢咗架
3.或致電.香港青年恊會關心一線.電話.2777-8899時間下午二時至凌晨二時.果道的朋友 愿意和你傾談.
4.如果升f.4.又唔使完全放棄哂興趣班.每個星期去游一次.咪當學習緊張輕松吓羅。
5.學琴可以自己寫時間表.例.一.三.五.立目標。
自殺死.系要下地獄受苦架 ...人的一生.有開心.有唔心.不如開開心心過啦！

你咩都有, 有得學琴, 游水, 仲係讀緊書, 有咩煩惱呢? 唔開心, 自己情緒低落梗有原因, 若果你有其他問題, 相信你只不過係覺得日子過得好苦悶, 每日或者定期做相同的事, 一三五就要去學琴, 二四六就要去游水, 時間排得密密痳痳, 就算有空閒時間都要用o黎溫書,休息, 陪屋企人飲茶係咪? 你有時間上網打咁多野, 你應該會可以用呢o的時間做其他野啦, 例如同friend出去行街, 玩下電腦game, 去社區中心做義工, 唔知自己想點, 就諗下自己的志願係乜, 例如醫生, 咁你就要讀書成績好o的, 試下睇一o的關於醫學常識的書先啦, 一步一步咁去達成志願, 其實你可以學咁多野, 屋企環境都唔差, 至少唔係窮, 都唔明你點解話自己抑鬱, 呢個世界上有不同性格的人, 唔係個個日日都咁開心, 有o的人性格開朗樂觀, 樣樣順其自然, 有o的人就比較悲觀, 事事謹慎,力求完美, 未雨籌謀, 有o的人追求精神上的滿足, 有o的人就追求物質上的快樂, 唔知你覺得你自己係邊一類人呢? 精神病係不能靠body check去驗出有冇病, 只能靠行為上的症狀去斷定係咩病, 我覺得如果只係性格上的問題, 而唔係發生過o的咩大事o既話, 應該唔會有精神病, 你依家十幾歲, 響一個唔係成人, 又唔係小童的青少年時期, 生理上同心理上梗係會有轉變啦, 雖然依家潮流好興精神病呢個話題, 但唔好郁o的就話自己有精神病至得ga, 萬一斷錯症就大鑊啦, 果o的藥對有病o既人就好o既, 但係對於冇病o既人, 同落Disco o拍丸濫藥有咩分別, 明明唔係有病, 都食到你有病啦, 不過如果你真係覺得自己日常生活受到好大影響係因為你有抑鬱症, 建議你去睇下醫生, 證實o左有抑鬱, 佢o地除o左用藥物治療之外, 仲有心理輔導, 去醫好你個病, 去圖書館借關於精神病的書睇下, 你會對呢方面了解多o的, 淨係睇網頁或者報章雜誌果少少資料係唔夠.

雖然唔知道你實際既情況有幾嚴重.....
但係...其實問題睇黎真係唔係好嚴重!
我都有試過好似你咁既情況....
你既感受或多或少,我都可以明白!
單靠你咁樣post一個問題出黎...真係無可能可以完全幫你!
你都知問題係在於你身上....
如果你真係好鐘意游水既話...點解你唔可以同你屋企人傾下呢?
如果佢地既態度係好強硬既話...你有無諗過係咩原因呀?
係咪因為你既成積唔好?
你可唔可以為你既成積作出承諾?擔保游水唔會影響你既學習?
如果可以既話...試下同佢地傾下....
其實做任何事情...屋企人既支持真係好重要ga!
即使你強硬要做一d事情...但無法得到屋企人既支持...你都唔會覺得開心!
而你覺得自己寫既文字好negative...其實呢種情況已經好普遍....
我亦都曾經係咁..寫好多負面既野出黎....諗亦諗左好多.....
每晚更加訓唔到.....
因為呢刻你真係好需要人地既支持!
你覺得所有人都唔明你...你內心好痛苦!
但係....傻瓜!唔好咁諗!
一切都唔係好似你所諗既咁.....
或者的確係有d唔如意既事....
但呢一切既背後都有佢既原因!
試下同人講下自己既感受啦!!! =]

你諗下有咩原因係最導致自己有這個病,你話嚴重即是好耐己有,一直鬱埋鬱埋,你要諗番初初點解吾開心,你游水開心就去游,你好想練琴但心情影響練吾到就吾好練,吾好迫自己住,要顧住目前的病緊要,遲D慢慢可以再學.

因你的病會令你情緒好吾穏定,好容易發脾氣,可能咁樣,令到家人及朋輩疏離,只要你話比家人知你有這個病仲係好嚴重,你家人會體諒你.

有這個病的人好容易亂諗野,諗好多負面既野,可能本身係一個憂愁既人,因無了家人關心支持自己,仲加重打搫,要心平氣和同你家人講,要諗下自己幾時開始有這病,個時發生個咩事令你受打擊.

係咪有野解決吾到,越諗越負面越壞,諗埋一面,解決吾到試問家人的意見,如果係改變吾到就要樂觀積極平常心去面對,要自己心態改變,吾好咁執著,順其自然,總有一日會過去.

吾好急,做咩到吾好急,一急就好易發脾氣,急係吾會做到野出來,你現在心中不快就係家人不明你不了解你,所以你要同佢地講清楚你有這個病好辛苦,搵一D專業人士幫你,令你父母更明白這個病,仲有你一定有某D事長期令你吾開心,我諗你最清楚,可以你想練琴但又練吾到,之後仲學吾到,如果係,吾好急,佢永遠到係度你仲有機會練,情緒控制吾到做咩到做吾到,所以同家人好好商量下點幫到自己.

如果吾係練琴,你就要諗下咩事令到你咁樣,諗吾通決解吾到就問家人,吾好自己諗哂,如果你的煩惱係無辨法解決,唯有你自己放開D.

其實你現在咩都吾好諗,只係諗點解自己會係咁,一定有原因,你心中長期鬱住有問題,自己不停諗諗吾通,長期吾開心,諗埋左一面.好容易情緒吾穏定,小小野就發髀氣.

同家人商量下,可以去社會福利處搵下社工幫你,之後可以轉介見心理學家,這些都是免費.

繼續努力 做自己想做既事啦..