✔ 最佳答案
我和男朋友養了三隻八哥 (一隻啡色, 一隻白色, 一隻黑色), 希望可以解答你的問題.
1) 我其中兩隻(白色同黑色)就在勝利道購買 (但不是同時購買), 價錢都是二千幾. 雖然後來才知道八哥沒有白色 (只有黑色 & 啡色, 所有少少覺得比人呃), 其中一隻身體非常健康 , 另一隻可能我不小心照顧, 買了幾天給冷氣凍病了 (前兩隻在冬天買, 有放暖水袋給牠們取暖). 因為我沒有相熟的寵物店, 所以只可以靠自己觀察和碰運氣而已, 不過你可以考慮到勝利道購買
2) & 3) 購買當天要買的東西包括:-
基本必須品:
a) 狗糧, 問清楚寵物店之前餵那種狗糧, 因為突然轉狗糧, 狗狗會適應不了.( 要慢慢轉, 將新和舊的狗糧混合餵) 約$100
b) 狗籠 >$100
c) 水樽 & 狗“兜” $100-200 (有平有貴)
d) 一塊小骨頭 (可以當玩具以及比狗狗咬) $10 - 50
e) “杜蟲” & “杜蚤”藥 (帶狗狗作身體檢查時,在動物診所買) $200-300
f) 一塊小毛巾 (幫狗狗洗面/抹身用) <$10
g) 如果你要放牠在冷氣地方, 便多買一塊毛巾用來墊籠. 另外再加一個小小的暖水袋, 放在籠的角落. 牠覺得冷的時候便會躺在上面. <$60
由於你買狗的時, 牠應該還是BB (未打完預防針), 所以有好多事還未可以做, 例如:洗澡和出街, 因此很多必須品(梳, 狗帶, Shampoo…等等) 你可以遲些買. BB狗要打齊針至可以洗澡和出街.
小狗一天3餐, 如果要上班, 一天兩餐也可以, 一天份量大約10-12匙(那些茶餐廳外賣膠湯匙).
你買牠回來後可帶牠作身體檢查.不過有時有些病未必即時出現, 所以獸醫可能會建議你多觀察幾天才打針. 打完第一支預防針, 之後每個月再打 (合共3支). 另外, 打瘋狗証針 & 晶片. (到時獸醫會再解釋). 現時市面上有好多寵物店都會幫狗狗先打一支預防和已植入晶片, 因此狗狗的價錢會貴幾百元. 如果你買這類狗, 記得問寵物店拿針卡(如果沒有針卡, 獸醫通常都不肯打第二支, 一定要從頭開始打針) 和確認晶片號碼 (他們有一部機在狗狗身上一掃便會顯示一個號碼. 這個號碼便是將來拿狗牌用的).
4) 八哥好忠心, 雖然樣子蠢蠢, 不過其實好古惑, 有時明白你的說話, 但詐作不知. 另外, 八哥十分貪吃, 會吃很多易超重. 太重會比較短命(心臟有事和四肢負荷不了體重). 還有, 牠們會連一些不應該吃的東西放進口, 我的狗狗連報紙/煙蒂都吃 (注意: 提子/洋蔥/朱古力都對狗狗有毒, 一定不可吃), 所以一定要好小心. 而一般小狗都會牙痕四處咬東西, 你要特別注意電線.
八哥面上有摺, 要清潔否則會有異味. 其實養狗還有很多地方要注意, 你可以問獸醫. Yahoo知識裡亦有很多有用資料, 你可以再找找.
2007-09-01 22:45:33 補充：
大部份寵物店由於好多狗狗(仲要由大陸運嚟香港), 而狗BB抵抗力非常低, 所以好容易有病. 所以唔止勝利道係咁. 另外, 有時啲人買咗狗狗又唔小心照顧, 我都大意凍親佢, 就會主觀地認為寵物店有問題.不過, 如果你肯花多啲錢, 你可以去搵啲寵物店幫你搵狗狗, 我知土瓜灣有一間. 嗰啲狗狗通常會係純種狗, 而且保證期應該會耐啲. 你就可以放心啲, 因為佢唔會將好多狗狗放埋一齊, 減低有病傳染機會. 通常狗狗嘅價錢會貴好多, 我之前問過一隻八哥要貴差不多一倍.
2007-09-01 22:52:23 補充：
至於領狗牌, 你可以去漁護署. 我就帶佢去獸醫度打針順便叫佢哋幫我攞埋, 以我所知, 漁護署會平啲, 好似少過一百. 而經獸醫攞就 around 二百.你可以打電話去問漁護署2708 8885或1823(政府熱線)幫你駁去漁護署問吓.
