想主動認識一個做agnes b 的男仔

我先講下背景

呢個男仔在沙田agnes b任職。
我好幾個月前,發現左有呢個男仔。
頭一個月我對佢不太十分留意佢。
直到有一次我去買野,才第一次碰頭,果時我開始暗戀佢。
已經3個月，我以為呢d只係一眼之緣就會忘記,時時都會去agnes b 門口睇佢。
但我一路都好掛住佢,所以認為應該先互相認識做個朋友。
直到前幾天,我去agnes b再次買東西,我遺留左一件外套在那兒。
第二日我打電話去,係佢接聽（肯定係佢聽,因為佢是主管）
當時我已經好驚（由細到大都係咁,見到心儀的男生都係好驚,聽到聲都會驚）
佢竟然一接電話跟我說:我知道你係邊個,我認得你,尋日黎買衫果個女仔!我記得你!你件外套我幫你收埋左!你一陣黎拎!
我當時其實有點開心,但同時又諗,佢會唔會服務態度一向咁好,先咁樣講野。
之後果日,我就去拎番件衫，可惜唔係佢拎衫俾我,係佢同事,因為佢當時企左ｏ係銀行檯那處正傾緊電話,不過佢當時都一直望住我,對住我笑同埋點點頭
事情就係咁!

而我而家計劃,某一晚我等佢放工,等佢走時,身邊無人,去拍拍佢身,同佢講介紹自己!你地認為可唔可行?