幫人考試伴奏

我以前都試過幫人做伴奏，伴奏冇話要幾多級先可以做，
通常考試o既級數愈高，伴奏部分就愈難。
而家你幫人伴奏考5級，難度應該唔會太高。
幫人伴奏首先要彈熟自己o個part，
然後要聽熟或者自己彈熟小提琴部分。
同人夾o既時候要一邊睇自己個譜，
一邊睇埋人地個譜，
要知道到底有冇夾錯。
夾o既時候亦都要留意有冇o的地方次次對方都會出錯，
如果佢可以做到節奏、速度完全100%正確就最好，
但係有o的人會有o的地方改極都改唔到，
咁你就要留意呢o的地方，彈到o個度要就下對方，
等個錯處唔好咁顯眼。
仲有伴奏要做返伴奏個角色，千其唔好搶左做主角，
幾時都要用耳仔聽住對方，如果對方臨時出錯，
你就要立刻『執生』，跟住對方。
我諗考試前一齊夾多o的，到時就唔駛咁驚啦。