我隻狗唔舒服...why?

咁我想問吓你隻狗嘔完之後會唔會成身無力, 又或者好似平時咁活躍先？
因為如果你話佢嘔完之後, 全身無晒力, 又食唔到嘢的話, 你最好就即刻帶佢去睇獸醫, 因為狗仔嘔都有好多種原因（有食錯嘢, 腸胃唔好, 冷親等等）...如果唔及早醫治的話, 手尾會好長架......但係如果你話佢嘔完之後好似無事一樣的話, 你隻狗仔可能好似我隻松鼠狗咁呀（因為我隻狗都試過嘔, 不過就唔係嘔黃膽水）
：我記得佢細細個果陣都試過嘔...
（嘔出嚟個灘嘢的面積唔算好大, 透明色, 有泡泡, 望落去有啲似口水）
咁啱我又要帶佢出去打預防針...
咪順便問埋醫生佢嘔果啲究竟係乜嚟...
個醫生就話：係狗毛引起（狗狗只不過係想嘔番啲毛出嚟啫）
因為一般狗狗有時都會食到自己甩出嚟既毛...
而狗狗的胃係不能將狗毛消化...
所以有時狗狗會利用嘔呢個方法嚟吐番ｄ毛出嚟架...
個醫生仲叫我唔好擔心添！
（所以我覺得唔關空唔空肚嘔既事呀...）
除非你話隻狗嘔果灘嘢之中有少少血絲就另作別論啦...唔係的話就唔使擔心呀！

～有時你見到屋企有狗毛飛嚟飛去果陣...
最好既方法就係你執咗去沖落廁所...免得你隻狗狗食到～

你隻狗係咪新養呢?? 因為d糧食唔慣都會嘔架!!
如果不嬲養開無啦啦一日嘔幾次就係有事架喇~~ 快d去睇上獸醫好!! 因為自己係唔知佢做咩事架~~