若有個女仔暗戀一個男仔,會有什麼反應?10點!!!

以下是一些例子,我不能說100%可以證實那女孩是否喜歡你, 只是讓你參考而已。

1.她會成日偷望你
2.正視你會有d怕羞
3.她喜歡請你吃東西<---可靠
4.成日上你xanga/blog
5.你出聲果陣會好細心咁聽你講野
6.你同d女仔玩得埋, 佢會唔開心
7.佢同朋友傾計時成日唔覺意講起你
8.有人恰你佢會好唔開心

其實上面只係好膚淺o既觀察
女仔其實個心又複雜又簡單, 呢個要睇你幾聰明了
如果你真係想確切知o既, 你不如單獨約佢出黎, 請佢睇戲食飯<---要講到明
睇下佢d反應, 如果佢好樂意,又好開心o既, 你已經=成功左一大半...
如果你睇到佢有精心打扮去同你約會, 你不如直接同佢表白la~
其實呢個方法係最直接, 又簡單, 好多人都係咁架啦

若有個女仔暗戀一個男仔佢既反應係~會時時想爭取與果個男仔見面
同埋會做好多引你注意既行為....總會無時無刻你望佢果陣都一定會有留意你或者望返你

如果佢真係鐘意你...可能太怕羞唔敢望你....
但而都可以係你自作多情...佢唔想俾你覺得佢鐘意你..會對你好決絕

我覺得佢唔彩你既原因係因為佢已經有男朋友囉~~~
你都識話佢淨係害羞~冇理由怕羞而唔接人電話~~
佢唔想同你有咁多接觸，怕俾佢男朋友誤會~~
(你呢個case同我女朋友面對緊既一模一樣)
你可以直接send e-mail 問佢係咪拍緊拖~
係既話就收手喇!!!!!
本人覺得~佢既表現唔係暗戀你，而係避你!!!

個女仔係咪讀LSKC ???
(多口問問)

2007-08-27 13:21:53 補充：
你係咪讀緊書~???係既話同個女仔同校嗎???

如果你想知女仔會有咩反應, 我先講吓自己的經驗:

1. 會成日想見到個男仔, 如果知道佢係邊度出現, 會故意去那個地方見吓佢, 但又怕俾個男仔知自己成日跟住佢會唔鐘意, 所以如果個男仔突然擰個頭過來望向自己, 會嚇到即刻走! 走唔切就擔天望地, 扮睇佢唔到...

2. 如果有機會傾計, 會興奮得滯, 一係就好多野講, 語無倫次其實都唔知自己講緊咩, 一係淨係識哦哦咁應對方, 連表情都無, 搞到人地以為個自己唔想睬佢...

3. 會變得好八卦, 因為想知多d個男仔d野, 如果識佢d朋友, 會係佢d朋友度打聽;

4. 會變得好迷信, 成日問星座, 玩心理測驗, 塔羅占卜... 都係想知同個男仔有無機會

至於你講的那個女仔, 你話佢同你講話時唔敢望你, 無話題都可能真係因為害羞, 但我覺得佢連你打電話俾佢都唔接就好奇怪. 如果佢只係害羞, 唔會唔接你電話,... 接唔到, 唔敢覆就有可能 (因為驚唔知講咩, 講錯野), 但如果你打去, 佢又可以接的, 唔會唔接, 因為女仔會好想聽到鐘意的男仔把聲, 就算得一兩句都好. 如果佢連電話都唔敢接, 可能佢唔只係害羞, 仲有d驚你, 至於點解會驚, 最大可能係佢d朋友唔知同佢講了些什麼, 令佢覺得同你一齊唔好, 所以避開你.

如果你覺得咁落去唔係辦法, 最好揾日問佢做咩成日唔聽你電話, 搞清楚個原因啦!