有關餵母乳時的飲食問題

傳統上餵人奶係要戒口既，但亦有時間可以"走棧"，一般而言，你坐月既時候都要補身，又或者襯生完bb調理一下原本唔係咁好既身體，一般情況下人參鹿茸等補品，人地都會叫你唔好食，因為食左之後去餵奶，bb就會好燥熱，佐其實只要你餵完奶即刻去食就問題不大，所以坐月其間，寒涼野唔食得，例如:涼粉,綠豆,白蘿蔔,白色既菜,芽菜,涼茶等，食左對你身體唔好，收奶既野唔食得，例如:肝類.乳鴿,麥類<麥芽,好立克都係>,淡豆豉等，淡豆豉唔係平時食果d豆豉，淡豆豉係藥材舖買既，係兩樣唔同既野，所以豆豉蒸排骨係食得既，另外魚生既野，就真係要乾淨新鮮先好食。

至於湯水，一般人認為木瓜煲湯會多奶水，但要知道要上奶上得更好，用既一定係青木瓜，頭第一二個星期，你可以煲青木瓜煲章魚瘦肉，青木瓜煲竹絲雞，青木瓜花生雞腳，到上奶好左之後，就可以煲番木瓜又或者花膠，因為上奶上得好後，只要keep住有足夠湯水就已經ok喇，紅棗水要得惡露清左先至好飲，如頭兩個星期口淡淡唔想飲清水，最好就整炒米茶飲，夠正氣，白獲炒糙米/白米至微黃，攤凍後用樽/保鮮袋入好，飲時用兩湯匙炒米放入真空杯，再加十粒龍眼肉及三數粒去核南棗，加熱水焗15分鐘後飲，飲完又加番熱水再焗，到無味就換過d料，好方便，你可以試試，我懷孕期間只係介左可樂，一日飲一杯coffie，七日有四日食魚生壽司，因為無胃口而又只想食魚生，生完之後三個月內就無食寒涼野，食人參鹿茸補品食左三個月，當然食完我係唔會即刻去餵bb食奶啦，三個月後我已經一切照舊，bb白白淨淨無濕疹無敏感，出街人見人愛，而家17個喇，高興與你分享，祝福你生個又肥又白，人見人愛既baby啊~~