請問在香港，一般子女會將薪水中多少給父母作家用？

其實真係好睇佢要你3份一既家用 得黎你自己點過活
假如 你只係比3份1既錢做家用 同時 你衣食住行家人包辦
3份1其實唔算比得多 但如果比3份1家用得黎 你自己一個住
我諗你都可能好吃力 而且重點係你既3份1人工即係幾多呢?
假如自己用3份2得黎 有2萬 其實好足夠可以
但如果3份2得黎只係得6千再加自己一個住真係吃不消

其實如果自己能力真係唔能力繼續維持比3份1人工家人
不如好好同家人傾下 做子女孝順父母係應該
不過做父母點都唔會想因為子女既出錢孝順而令自己連結婚都做唔到
幸福都搵唔到

我結左婚 我只係c奶仔 我得返個老豆 老公重有父母
不過我地都冇比家用 老豆話等佢退左休先好養佢
廢事用我錢搞到好似囉政府錢咁(我唔知點解佢要咁諗)
老公父母知我地婚後 其實用既錢多左 佢地都有工作
亦都叫我地自己搞得掂有錢剩先好囉比佢 廢事比得家用黎我地要訓街
其實呢d有時都要溝通下先有共識 另一半/家人 都係要溝誧先可以相處得好咖嘛
其實你而家咁講野 你自己都有d唔開心家人要你3份1既人工係咪?
有d人可能覺得唔岩係你 又可能有d人覺得錯不在你
不過成件事 我地既了解始終係好少
希望好好同家人傾下啦 我自己都有同家人同老公傾過
父母覺得自己有手有腳 唔想咁快要我地比家用佢地
當然我同老公私下都傾過 而家開始要捱 慳d儲定錢
因為父母總有一日老 總有一日退休 我地要盡我地既責任去養佢地
我地d父母真係好錫我地 而且好體諒我地 只係我地兩個搵得少=.=
希望你家人都會明白你苦況啦

我覺得最緊要係量力而為啦．多年前，我老公同兄弟姐妹反面就係因為家用問題．個時我地一家人收入係２５０００咁上下．仲要供樓．學費，而佢家人就要求每個月要俾７千元家用俾佢父母，孝順父母是應該的，可俾左後我地一家人就要訓街啦！．．．不過，到今日．我地環境好左又點止俾７０００元．所以，每個人只要有錢出錢有力出力．咁呢個世界就會美好得多啦！

如果你同佢同住,三分一算最低消費啦
你搬出去, 開支咪仲大!
我老公用左七成人工來供佢父母層樓同埋比家用佢地.......!
但層樓唔係我老公呢!

三分之一．所有野都看子女心意

三份一咪少,我要比六成都係咁

真係唔想比咪離家出走,現在好多人都唔理老豆老母啦

可惜我屋企得我一個

或者佢地同你儲起黎做老婆本都唔定呢

至於結婚,簽張紙啫,平貴任你地

買樓可做二按,比5%就得

香港地,比你慘的人多的是