(魚)養菌一問

樓上兩位都講得對o既，病菌害菌當然係冇就最好啦（．．．），益菌o係水族缸就係指硝化細菌，佢地要附著物件表面生長，所以濾材用生物環，呢ｄ陶環有無數細窿增加面積，養多ｄ菌，菌量亦與水質成正比。
硝化菌係好氧菌，佢地將魚o既大小二便中o既阿摩尼亞變成阿硝酸再變成硝酸，兩個化學反應都要氧氣，所以如果冇氧氣的確會死菌。而如你所講，種水草打氣的話，又會令 co2 加速流失。
但係一個光合作用旺盛o既草缸，其實係唔駛打氣架喎。我個缸三十寸，係一個大量草仲有九十幾條魚o既混養缸，燈照約九小時，冇魚浮水面。因為「日間」ｄ草已經造左足夠氧氣溶入水中，ｄ魚唔浮頭，即係溶氧量唔只夠魚用，仲夠草夜間做呼吸作用o既需求，冇反水亦證明亦夠菌用。
由於對你個缸完全冇資料，所以我只能估下問題係乜。光合作用o既效率同 co2 量、光量同光質有關。你先要睇睇你個缸：

ｄ草每日有幾多時間照到光？應該有 8-10 小時。
燈有幾多火？陽草的話大約要 1L 水 1W。另外，燈o既色溫又合唔合養草呢？多數人用 5000-7000K，過高過低都唔適合草吸收。
你有幾多草、幾多魚？如果我o個缸都得，你話你會唔會係太多魚、太少草？太少氧造出o黎，又太多 co2，咁實唔夠分。但你有冇用計泡氣睇 co2 出得幾快？通常一秒一泡，但都視乎缸 size 同草量而定；你亦可以用o個ｄ魚鋪有售o既長期監察器去 check 住。
溫度亦係一個光合作用o既 limiting factor，太熱唔止光合作用減慢，草都死。而且水溫高氣體用水走返出大氣亦快，氧同 co2 都係，所以夏天冇水冷或開冷氣就要o係水面吹風扇。
由於唔知你個缸點情況，建議你去呢度 詳列你個缸o既資料，大把高手可以俾意見你個草缸。

生物環越多,
表面面積就越大,
養菌就越多,
水就越清,
但需培育出來,
培育出來後千祈唔好洗生物環,
如果唔係就會比你洗哂,
又要培育過架啦!

益菌越多越好
害菌越少越好