我想知道如果係公立醫院/私家醫院補耳膜要幾多錢?

1. 耳膜就算真係穿左, 如果裂縫不大, 係可以自己好得番, 大約幾星期到. 而急症的醫生都話冇穿到, 就算係佢睇唔到, 都方嚴重啦, 唔使咁緊張. 暫時唔好游水, 洗頭時帶耳塞或小心唔好有水入左個隻耳仔, 只用濕毛巾清潔耳殼, 等一排就冇事架啦.
2. 修補耳膜呢種小手術係唔使住院, 可能係耳鼻喉專科門診就攪得掂. 公立診所收費就只會收一次專科門診既診金[$100或以下]手術多數唔會另計錢. 不過你要由普通科/急症室醫生轉介, 既然急症又冇幫你做轉介, 你都要睇多一次普通科門診[街症]或者去私家, 攞到轉介信, 去專科排期, 睇新症個日未必有手術室, 可能要再排多一次期... 唔知到幾個月後先至睇你架. 到時或者你都好番啦.
所以, 唔使咁緊張, 多數幾個星期會好架啦.