倉鼠一問?

養左3日想放隻鼠上手,我覺得就太心急,除左較大機會會咬你,同時都會嚇親你既鼠鼠,嚇親除左有機會會生病之外,日後就更難去同佢熟了

A.首先應該同鼠鼠熟d先,熟左先再抱佢都唔遲,俾d耐性啦,可以試下以下既方法去同鼠鼠更熟悉

鼠鼠買返唻既初時,頭兩日唔好打擾佢,再試下以下方法:(耐左都同鼠鼠唔熟,都可以試下做)
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
3)再熟d再試下俾野佢食既摸下佢頭or身
4)佢都唔抗拒之後,可將食物放在手心,等佢行上唻食,慢慢佢會習慣左你既手
5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱.

B.同鼠鼠熟左之後,可以留意鼠鼠有咩咬人既可能,避免之後,就可以再減低俾鼠鼠咬既機會
成日咬人既原因多數有以下幾個可能:
1.鼠鼠咬人多數因為驚,鼠鼠保護自己只係得牙同爪,所以驚起上唻就會用牙同爪去對抗外來者. 鼠鼠咁細隻,其實驚人我覺得好正常,好似如果有隻動物大你咁多倍,一手就拎起晒你整個身體,我諗都會幾驚.所以慢如果佢驚你你就唔好太強迫佢俾你摸or抱之類住.去沖涼都困難既話,就用物品幫手,好似用食物盆運佢去or用野食引佢去沖,不過小心d唔好趺親鼠鼠呀

2.鼠鼠唔舒服既時候,可能你輕輕一抱就令佢感到唔舒服,又或精神上都會特別敏感,因為自己弱左就更要保護自己.
仔細檢查鼠鼠既身體有冇異常,檢查下鼠鼠既排泄物,同埋個籠會唔會有野整親鼠鼠.

3.有第隻鼠一齊住既話,都會易咬人.兩隻或以上既鼠一齊住既話,其實好易會打交, 打交係因為倉鼠本身就係獨居動物,根本唔適合同其他鼠一齊住既. 佢地既地盆意識好強,到發情既時候先會一齊,我睇書講過,外國既倉鼠繁殖場,都係一隻籠一隻鼠,再到交配既時候先放埋一齊一段好短既時間. 成日都keep住要抵抗敵人既情緒,即係較神經質,咁就好易動不動都想咬人

4.太餓,唔夠野食就會亂咁咬,搵野食,可以一次放多D食物落去,等鼠鼠有較多既安全感,但留意食物唔會變壞先可以

5.你手有食物既氣味,鼠鼠有機會會誤以為係食物而咬落去

6.懷孕既鼠都會特別精神緊張,從而成日咬人

被鼠鼠咬到,記得消毒同貼膠布呀^^

C.當然仲有樣好緊要,就係唔好自己唔好咁驚俾鼠鼠咬先,如果真係驚既,就唔好抱佢住,隔住個籠俾野佢食,就算咬你你都縮得切
其實你愈驚,就愈易被咬,因為你驚就易抱得佢唔舒服,咁佢驚又易咬你呢

記得我第一次養鼠既時候,都會好驚隻鼠咬我,之後有時都會驚既,都會避免俾鼠鼠咬,不過就唔係驚痛,係有一次我俾鼠鼠咬完之後,佢唔放口,我又本能地縮手,就咁拉左佢落地下...所以驚再俾佢咬咁縮手而整親佢
當時佢咬住唔放,其實都唔係好痛,只係正常反應地縮手,所以你唔洗咁驚,鼠鼠多數咬人都唔會太痛,除非你攻擊佢啦,咁就唔知會唔會痛好多,我未試過

放膽D去同你既鼠鼠玩啦!

2007-08-26 21:15:44 補充：
食物盆有食物其實都一樣引到鼠鼠既,除非佢真係驚你驚到呢埋左,如果唔係你打開個籠既門,好多時鼠鼠都會好好奇咁行過唻唔知你同佢換木糠時係咪會有第個地方可以安置鼠鼠既呢?我就會將鼠鼠放去龜缸既地方,唔知你會唔會係咁,如果係咁就可以放D食物去個缸仔度,再放去籠既門,等佢自己行過去,咁就唔洗掂到鼠鼠了到真係引唔到,你可以用杯,當鼠鼠行近去角落頭,再用杯引佢入去,咁就抱到佢出去如果真係好驚既話,可以用手套,但當然咁係易嚇到鼠鼠啦,小心唔好趺親鼠鼠呀

2007-08-27 00:48:16 補充：
成日在屋仔唔出唻,其實可能係較驚人,所以都唔可以咁忽視既而木筷子我就唔建議俾鼠鼠用,因為成支咁長既話就太長,易插穿鼠鼠既腮,咁就要睇醫生,如整一部份就易有剌,所以咁係好危險既

吾錯,,好詳細..但倉鼠通常系多過一隻生活咖喎@@(根據網上搵到ge資料)

比d信心自己同隻倉鼠la
仲有放佢係手度之前要洗乾淨隻有唔好有其他氣味
要溫柔少少
你唔野佢，佢係唔會咬你ga


我之前都有倉鼠，起初我都好怕佢咬我but我最後都係放佢係我隻手度
o個陣我先發現倉鼠係好可愛ga
比d勇氣自己試下放佢係你隻手度
之後你就唔會再驚ga la

你可以嘗試放些食物在手心,,等待它適應你的味道.....
你便可以放佢係你隻手度.......