點養日光魚同紅連燈同乳雀魚

１．當你用足十寸水，仲係圓筒型缸，都係 14L 水。你有幾多魚先？參考數字係 1L 可以養 1cm 長o既魚，唔係唔可以多過，但都要有個譜。
２．有過濾器唔夠，因為過濾器要有硝化細菌培養左o係濾材表面先處理到廢物，否則只係一個泵。你過濾水器有冇生物環？放全部魚之前有冇放一兩條魚入去行過一輪？菌係自然界之中都有o既，但係要時間培養到夠菌，咁先 support 到個缸o既魚。所以先頭部隊要入去俾ｄ屎尿ｄ菌食，然後菌愈來愈多，水由初初放入去o既白濁變清澈，即係表示濾材o既菌可以應付到廢物量，咁就可以再逐少慢慢放魚。要夠菌，重點係要俾時間，有錢可以買硝化菌水，但唔會快得好多，一次放大量魚，必死無疑。死前ｄ水濁，可能就係呢太多廢物未及清理，咁就要每日換三份一至一半水啦，捱到夠菌。識人養開魚，就問佢要ｄ舊濾材借菌種啦。
３．唔知你係唔係買左袋裝魚呢（因為見到有紅蓮燈）？袋裝魚一般死亡率高，因為你唔知佢入左袋幾耐，剛入袋都可能係一有貨到就即入，舟車勞頓，身體係會差ｄ。所以最好唔好買袋裝魚，特別係個袋冇乜氣，水唔清，魚唔精神o個ｄ。又會唔會有摺埋鰭／尾，同缸有死／病，身上有爛尾／鰭／白點／一舊發霉狀白色物體／身上一片白左色／魚眼浮腫呢ｄ病癥？

因為你係新手,要同你講既野太多,你最好自己去參考資料到睇,唔明再問,你既問題唔可以係一時三刻解決到,唔好意為講一篇野就可以令你明白點養魚先唔死同養得好,所以最好靠自己睇睇