380L/H 過濾器抽力算不算大?

大唔大要同缸本身容量做比較，如果流量可以做到一小時六次全缸水循環都唔錯，再預埋用得耐濾材之間有ｄ塞去水慢左，可以預到一小時做八、九、十次。其實流量大ｄｄ冇壞（當然唔係叫係10L缸仔用 1000L/H 大濾筒；每款濾水器都有個參考魚缸容量去配返），可以日後換大缸都用得。如果水流真係太強缸內打風，可以將出水口射向玻璃，咁缸水流速就會慢左，唔會令魚咁辛苦。亦可以加ｄ石／木去阻慢部份地方水流。
屎沉底係正常o既；要過濾器抽得走哂ｄ屎係不切實際o既想法：過濾係濾水架咋，作用係由濾材o既菌處理水中o既氮化物。要吸得到ｄ屎，就要條屎真係飄到濾水器吸水口，咁除左將吸嘴放到缸底外，仲可能要缸內打風先掂喎。
所以呢，屎係要人去吸o既。買個手動泵，勤力ｄ換水吸下缸底啦老友。

2007-08-27 16:36:20 補充：
回應：１．「參考」呀，先生２．針對o既情況係打風３．任何放o係缸中o既大件物件，都有廢物集中o既機會，但係死水呢，就未必。你o係缸內放個箱罩住一箱水，就有死水。換水時正如我所講，吸缸底、木石附近就得。４．「處理氮化物」冇話到「令氮化物消失」。氮循環o係魚缸之中，只係做到將阿摩尼亞變亞硝酸、再變成硝酸o既一步；而由硝酸變成氮氣回歸大氣層係做唔到乜滯o既。所以都要日常勤力換水將硝酸帶走、稀釋。以完整氮循環去理解魚缸運作就會惹人誤會。

2007-08-27 16:36:26 補充：
真係有興趣知多ｄ N-cycle，可以睇下 http://mail.nkmu.edu.tw/~TomHsiao/W M Data Base/Nitrification.htm

第一個廢話
第二個既問題
1."每款濾水器都有個參考魚缸容量去配返"如果你信呢句就係水魚,佢地做實驗測試個陣係無放瀘材同埋佢係新既,如果你信佢,用耐先就知
2."如果水流真係太強缸內打風，可以將出水口射向玻璃，咁缸水流速就會慢左"並唔係減慢,係分散水流
3."亦可以加ｄ石／木去阻慢部份地方水流。"咁個d地方水流唔洗通,就變成死水,同埋廢物既集中地,有可能生藻或苔
4."作用係由濾材o既菌處理水中o既氮化物"佢可能誤解左,氮化合物循環係一個分解氮化合物既循環,其實係錯,魚既屎含有阿摩尼亞NH3,有毒,之後亞硝酸菌又會將佢變成無咁毒既亞硝酸鹽NO2,硝酸菌就會將佢再變成硝酸鹽NO3,最後厭氧性細菌就會將佢變成氮氣氣體N2,咁就係,氮化合物循環N-Cycle

仲有想講既就係,瀘筒已經好先進,可以調教水流大細,最好買大小小個瀘筒,又可以放得多生物環養菌,如果想尋求專業意見,請到參考資料問

唔算大, 而且只適合普通size缸,
如果你個缸大D, 佢已唔多夠力架啦!