猶達斯,比拉多等人蓋棺論定: 係忠定係奸?

猶達斯不錯是天主安排來出賣耶穌的人，所作所為正是先知早已預言。
不過根據四福音書關於最後晚餐的記載，耶穌三番四次提及此人，話有人會出賣佢，而佢下場會好慘，甚至無出過世做人結局會比較好，其實耶穌咁講，係比緊機會佢醒悟回頭，猶達斯在最後晚餐時仍可選擇不出賣耶穌。不過最後他仍然選擇自投黑暗，由得魔鬼隨住耶穌遞比佢的一塊餅進入心中...
若翰福音對他的日常性格有描述，話佢成日偷錢囊裡的錢，其實係一個賊。
就算猶達斯唔出賣耶穌，耶穌一樣會被天主安排到比司祭長找到，因為耶穌其實天天在聖殿施教，而耶穌亦一樣會經外邦人審判而死，結果唔會變，只是過程有不同。而猶達斯只是帶人去捉耶穌，同埋幫人認出邊個係耶穌，根據福音記載，捉到耶穌後，好多人作假見證告耶穌，不過並無提及猶達斯有份作假見證，只是說他後來在聖殿自殺而死。
彼拉多是外邦人，為應驗先知的預言，人子要被交在外邦人手中，而主耶穌都對彼拉多話：「如果唔係天主比權你，你對我咩權力都無。」
彼拉多本來想放耶穌，但係老婆叫佢唔好理耶穌咁多事，而佢亦只係順應民意，因為係猶太人大大聲叫佢將耶穌釘在十字架上，如果唔係就去羅馬皇帝度告佢。
彼拉多其實唔係好高興，因此問猶太人要釋放一個大盜定耶穌，猶太人揀左要耶穌死。因此，耶穌都話，其實交佢比外邦人的猶太人罪債更大。而為了表示不滿，彼拉多除左洗手之外，仲在十字架上寫上耶穌是猶太人的君王，有人叫佢改佢都唔肯改。
要怪，其實要怪原祖父母犯罪，搞到人要天主捨身拯救。要怪，就怪魔鬼迷惑人心，令猶太人要釘死耶穌。彼拉多與猶達斯或當時的猶太人比較，似乎在天主前罪名要輕得多。

根本《聖經》就充滿流料，例如四福音書中就只有《馬太》及《路加》兩本有耶穌出生事蹟，連最早的《馬可》都沒有，而兩本福音之間矛盾嚴重（例如《馬太》版本的約瑟本來是伯利恆居民，《路加》版本的約瑟本來是拿撒勒居民），起碼有一本是捏造，再加上兩版本都與歷史不符兼情節荒謬，唯一可能性是兩本福音都是老作！

耶穌出生「記載」的兩個版本：
forum.hkudb.com/showthread.php?t=14696

又例如新約預言公元一世紀世界末日（已徹底破產接近二千年）：
forum.hkudb.com/showthread.php?t=14694

1.猶達斯-本來佢咁做可能係天主o既旨意都唔定,但係我個人認為佢錯o既唔係出賣耶穌呢件事,因為出賣耶穌o既唔止佢一個(伯多祿身為最主要o既宗徒都三次不認耶穌啦),但係有一樣錯o既事就係佢響呢件事完o左之後自殺,自殺對於天主教o黎講係大罪,伯多祿三次唔認天主之後佢認罪,天主教都唔會覺得佢係錯o既,只要任何一個人係肯改過o既天主都一定會寬恕佢.
2.比拉多-其實無一個人怪過比拉多,因為佢係羅馬o既官員,響當時o既情況,佢只係做佢要做o既事,可以話係無得選擇,對於佢o黎講耶穌只係一個囚犯,只係當時咁o岩可以比民眾選擇放一個犯人,佢都已經同民眾講話響耶穌身上搵唔到要釘死佢o既罪,但係民眾就因為各種原因要求比拉多要釘死耶穌,眾怒難犯,佢都無辦法,所以響呢件事上,唔係比拉多出賣耶穌,而係民眾出賣耶穌,響呢方面我地天主教徒都一直係咁認為架.