去日本留學有咩科讀???

你意思係去日本讀日文定係讀專門大學or正規大學先？
兩樣唔同o既野黎咖喎，
首先，如果係去日本語言學校讀日文，
就得日文一樣野讀，
但係如果你想讀專門學校，
有D似我地既專科學校個種，
通常有兩年或三年課程，
而科目就有好多喇，
睇你興趣想讀咩囉，
例如：設計、形象設計、製果(和、洋果子)、
調理師(廚師)、電影、酒店、旅遊、翻譯.....
而較出名o既課程，就當然係設計、製果(整Cake)、調理師呢類，
不過如果你想讀專門，一般需要有日語能力試驗二級程度，
但如果你係日本o既日本語學校畢業，就通常都唔睇你能力試o既，
因為一般讀語言學校要讀年半至兩年先畢業，
所以專門學校都估計你有一定o既日文程度，
至於正規o既日本大學，要讀四年，
而且佢地要求日能試一級程度，
同埋由於日本o既中學係12年制，
所以讀大學最基本要求中六或以上學歷，
你自已再睇下邊D o岩你啦！

P.S 即係話如果你係香港冇讀過日文的話，
你去日本無論點都要先讀語言學校o既年半課程，
完成後先可以考入專門。

design ..