鬼節吾著得黑色衫??

最好就唔好la...[第8有講]
lee度有十大避忌 ...


第1
忌行樓梯邊

通常住大廈人，都冇需要行樓梯返屋企，但萬一全幢冇晒電兼冇搭，咁梗係焗行啦！師傅話，樓梯位置屬於陰氣比較集中地方，如果夜麻麻又冇得揀，就盡量避免沿扶手或靠牆邊走，改由中間行，咁就可以減低遇上靈體機會。

第2
忌落沙灘游水

夏日炎炎，個個都鍾意去沙灘游水消暑。不過農曆七月就要小心，皆因唔少魂曾葬身於大海，傳聞話趁鬼門關大開，佢會海入面搵替身，即係做戲成日講的「鬼腳」。師傅仲話特別係夜晚最好咪落水！

第3
忌到墳場廟宇

逢人皆知，墳場係靈體最集中場所，但大家未必會諗到，原來平時拜神廟宇，農曆七月亦要避免踏足。師傅話，夜晚11點至第二朝早上7點，更盡可能避免出街，留番屋企，因為呢段時間係陰氣比較重時段。

第4
忌拉埋天窗

屋企人喜慶事情，例如結婚擺喜酒、BB擺滿月酒等都盡可能避免。

第5
忌搬屋

搬屋都需要揀靚日子，師傅話農曆七月唔多適合，就算遇上收樓或者租約期滿等問題，亦避免選擇踏正農曆七月十四前後五日內搬遷。

第6
忌坐第一排

唔係講睇電影，而係農曆七月做畀靈體欣賞大戲，俗稱「神功戲」，師傅話千祈唔好爭坐第一排，皆因早已「Reserved」。

第7
忌家居裝修

師傅話，農曆七月盡可能避免進行家居裝修，如果由六月份陣已經裝修緊，則可繼續。

第8
忌穿紅黑衣服

穿紅、黑色衣服容易招惹靈體，應要避免。師傅建議，農曆七月可穿上黃、白色衫，因略帶符色，有辟邪作用。

第9
忌落吧卡拉OK

一環境比較陰暗地方，例如酒吧、卡拉OK等都盡量避免唔好去，因為農曆七月容易聚集靈體。

第10
忌旅遊搭飛機

師傅話，農曆七月較容易發生交通意外，例如旅遊等應該避免，亦最好少搭飛機。

希望幫到你~~

唔會諗咁多就無事架啦~

呢d野我吾係好信,,,係咪都係要著衫架拉
d鬼想黎你到,,你著咩色衫都會黎=]