嬰兒飲食問題

其實 7-9 個月大的BB , 可以開始食粥 , 如果 BB 的吞食能力好的 , 也可食通心粉 , 通心粉不會太難消化 , 但通心粉是粒狀 , 而且滑 , 會容易哽親 ,所以餵食時要加倍小心 !

至於粟米因有一層外衣 , 反而便比較難消化了 , 若你想 BB 多吃蔬菜 , 可用白菜 , 因白菜比較(林) , 將白菜剁碎 , 粥仔將近煲好 , 加入白菜蓉 , 粥會又香又甜 , 有纖維素又易消化.

另外 , 還有很多食物可煲粥 , 令 BB 吸收到不同營養 , 例如 : 魚腩 , 因魚腩的骨又粗又大 , 不怕有骨混入粥內 , 不會哽到 BB, 粥仔將近煲好 , 將整塊魚腩 , 不要切開魚腩 , 放在粥面煲 , 煲好後 , 取出魚腩 , 粥便吸收了魚的精華 , 若你有心機 , 可將魚放在碟上 , 慢慢揀出魚肉 , 混入粥內給 BB 吃 , 還有蘿蔔粥 , 可將紅蘿蔔用磨薑器磨成蓉 , 粥仔將近煲好 , 將紅蘿蔔蓉混入粥內煲熟 , 多食紅蘿蔔 , 對眼睛有益 !

既然你的 BB 已可進食通心粉 , 正明 BB 的吞食情況已好好 , 你可嘗試俾蘋果蓉及木瓜蓉佢食 , 可幫助消化 , 用匙羹挖出蘋果或木瓜肉 , 比搾汁更好 ! 因橙有致敏元 , 若有氣管敏感或咳嗽 , 便不要吃了 , 不吃橙 , 可用奇異果蓉代替 , 奇異果的維他命 C 比橙更豐富 , 又不會有致敏元 ,

8個月大是可以開始食通心粉, 放心, 唔會消化唔到.

至于栗米, 食少少冇問題, 多就唔好.

orange一般比較少比bb飲, 都系比apple, pear 果汁會好少少.

如果跟外國人的定義，bb四個月開始食糊仔，八個月就可以食任何野。但以我湊了兩個bb的經驗，係因bb而異，原因係有些bb就算出了很多牙，都唔識或唔慣用牙磨碎食物，一入口就吞入肚，咁食落個肚，硬係對d腸唔好，對個胃都唔好。但有些bb好識用牙磨碎食物，咁就冇問題，即係話要大人觀察後判斷。

粟米係好難消化的，我個女試過好多次原粒屙出來，係完全消化唔到，白食。果時佢大概歲半。我諗新鮮或急凍都ok。

橙汁硬係好，維他命c豐富，但肚屙時就唔好飲。野痰的問題，所有過甜的食物都易野痰。仲有就係，蘋果汁好有益有用，我兩個細路都試過肚瀉及噁吐，醫生叫乜都唔好食，連奶都唔飲得，幾個醫生都係叫用蘋果汁﹑面包或稀粥，比個細路清腸胃。有時細路要好耐先清到個肚，我個仔試過屙了足足一個星期，屙到出血，幸好去到急症室，醫生話只係屙到江門損了。佢成個星期都只係飲蘋果汁﹑面包及食稀粥，但佢屙到冇胃口，乜都唔想食。

講得多左，望你唔嫌長氣。