救命!!!史納莎的生活問題

如果你己經同你隻狗狗去咗睇醫生的話,
要買的基本東西應該齊晒架啦, 唔使特別再買些什麼...

問題１：佢成日想咬嘢, 可能係同佢牙痕有關...
你有冇買啲玩具或者狗用牙膠俾佢磨牙呀？
如果唔關牙痕事的話, 有時可能因為佢悶, 想引你注意, 所以先會周圍亂咬嘢啫...
而且佢依家隻眼又唔舒服, 發吓脾氣都正常架...
（正等如人一樣, 有病果陣特別需要其他人的關心架同鼓勵！所以你有時間的話就陪多啲你隻狗仔啦...）如果佢真係咬得太過火就可以用啲惡少少既語氣同佢講：ＮＯ！（但千祈唔好郁手打佢呀...）
而亂吠呢個問題...正等如人類講嘢一樣, 無理由唔俾人出聲架！
吠都有分好多種：
(a)有陌生人經過門口, 狗狗的自然反應係會發出吠聲, 用作提醒在家的主人...
(b)狗狗見到主人回家時, 亦會發出吠聲, 意思是：歡迎你回家！（呢種係開心的吠聲）
(c)佢哋緊張果陣亦會發出吠聲, 而每種吠聲都會因應當時環境而有其他意思...
所以, 如果你想佢唔再亂吠, 首先你要對症下藥...

問題２：藥係苦架...俾著係你, 你都未必食啦！
我個獸醫話：如果狗狗唔肯食藥的話, 可以去寵物用品舖度買一啲狗食芝士返去, 然後用芝士將狗狗要食既藥逐粒逐粒包起俾佢食（呢個方法萬試萬寧）...你可以試吓！

問題３：正常喎...俾著你無端端有個陌生人走埋你身邊掂你, 我諗你都驚啦...所以我覺得好正常囉！　如果你想改善呢個情況的話, 你可以試吓多啲同佢落街散步, 等佢見識多咗, 自然會冇咁驚亦唔會驚到震啦...

問題４：佢唔肯俾你滴眼藥水, 可能因為佢隻眼好痛, 而且啲藥水應該會整痛佢, 所以佢先唔肯俾你滴啫...
不如你試吓以下呢個方法：
你可以响幫佢滴眼藥水之前, 先固定佢係一張高枱上面, 然後抬起佢個頭, 用你隻左手捉實狗狗頸後的一塊皮（而果塊皮就算你捉得幾實都唔會整親佢亦唔會整痛佢架）, 如果你想滴右眼, 就用你捉緊佢頸後的手順便捉埋佢右耳（左眼的話就捉左耳）, 之後你就用你隻右手拎實支眼藥水, 快速地滴落去（呢個過程大概兩三分鐘便可）...

~~~希望可以幫到你啦！~~~