問一問回魂夜當晚需要注意的事項(急問)

上年暑假我婆婆去世, 回魂夜我地屋企冇話唔用得電器wor...
我都有照用電腦同聽歌....
不過可能係我婆婆生前唔係住我屋企啩.....

..(1)大門口外點一支紅燭及一支大香.(2)在屋內廳堂中擺放一檯,檯上放一個香爐,(此香爐應用沙或米代爐灰,插香會穩當些.)插一支大香(最緊要插穩啲!).香爐旁點兩支紅洋燭,{小心燭火勿燃到香爐中之香支},(*請注意安全!)(3)買一條鯪魚,不用開肚打鱗,用極少油煎黃兩面魚身,用紙碟放檯上(以下各項食品同).(4)做三,五,七碟 婆婆生前喜好之餸菜{牛肉勿用}.(5)生果一碟{多樣,數量不限}.(6)白飯,茶,酒筷 各三.{茶酒注滿},放一熟咸蛋在中間碗白飯中{一半藏飯內一半露出飯面}.(7)可放她生前喜好之小食,如:奶茶,花生糖果...等.(8)摺疊兩份金銀元寶女衣包;一份各人上香後睡前火化了.一份放檯底,明天(星期四)化.(9)家中可留一燈長明(如厠所燈).夜間可照常如厠.各人上香後{香要插直啲},早些睡;勿喧嘩打牌.勿作窺視等不尊重行為.(10)帶一利器(較剪,小刀)入睡房,明早出廳前拋出廳中地上;(即用利器做出一些聲響)拾回利器,看完檯面各物,火化檯下之元寶.將檯上所有物棄掉....(拜回魂完滿結束.)