急問~~深圳往廣州的火車站問題

由羅湖過關, 在深圳搭火車到廣州, 係深圳火車站售票處, 有一個售票窗口專賣往廣州既火車票, 你係果個窗口買車飛就唔會買錯. 另外廣州東&廣州站係有分別既, 雖然終點都係廣州, 但係廣州站係舊火車站, 廣州東站就係新既, 如果你約左人係珠海廣場站等, 就最好係搭往廣州站既火車, 因為廣州火車站地鐵可以直接搭3號線往珠海廣場站, 而廣州東站內既地鐵站就比較近, 不過搭地鐵往珠海廣場站就要轉線.
你可以上廣州地鐵既網站睇路線 http://www.gzmtr.com/
另外深圳火車有分直達&停中途站, 中途站多會定東莞, 石龍, 如果你買左往廣州東站, 但中途停站既都唔緊要, 因為車程都係差10分鐘到. 車飛約$70-$90, 舊火車$70, 新火車$80/$90

好耐冇上過廣州 ....
講一講大約既做法你知 .
車票方面呢 ... 百零蚊1程 .
你響羅湖過左關之後就去深圳0個邊既火車站 .
買飛去廣州/廣州東都得 (唔好買錯去石龍/東莞)
大約65分鐘車程 ,車入面有餐卡 .
去到廣州出左站之後可以直接轉地鐵 .(火車行去地鐵站唔駛15分鐘 .. 包埋入去)
其實 .. 全程有路牌的 ..
只係響深圳唔好入左去地鐵0個邊 ,又或者買錯去石龍既飛 ..基本冇乜大問題的了