更新1:
如果一早佢肯講明價錢(我有問佢佢話要計, 點知係埋單先計), 我就唔响佢度執藥啦, 等於去半島飲咖啡我都知價錢先入去啦! 雖然唔係俾唔起$700(股票單日上落波幅都夠响果度睇幾十次), 但真係好唔滿意佢地唔專業既服務態度! 問啲staff啲藥醫乜又唔清楚, 問醫師平時煲乜湯水飲會好啲又唔答我, 只係叫我過幾日來覆診啦, 好似規定係要人搵佢醫先得. 唔欣賞佢地不以客為本既服務態度. 一個字: 差 !! (以上純粹個人試過之後的意見而已)
同仁堂香港中環分店係唔專係睇有錢人?
2007-08-25 6:11 pm
尋日响公司附近的同仁堂睇感冒, 已經病到頭腦唔係好清晰, 點知去到個醫師仲講到我好似就快死咁(佢既表情好誇張, 擰晒頭咁), 咁我就對自己身體就更擔心. 不過佢就話仲有得醫, 如果經濟條件許可的話, 用三四萬蚊加三個月時間來搵佢調理一下就會無事架喇, 不過今日就先醫感冒先啦. 跟住出櫃檯執藥, 問佢幾錢一包藥, 佢就答我要計下先知, 點知佢係一路執一路計, 最後執好晒三包藥, 然後先同我講係$700! 睇一次普通感冒居然要$700(平時出去睇都係百幾二佰蚊), 真係襯我病攞我命, 已經俾個醫師講到驚, 仲要俾個價錢嚇一嚇, 响頭腦唔清晰既情況下我亦唯有照俾. 但事後發現好似俾保藥黨呃左咁! 中環同仁堂可能真係有錢人專用既(我之前唔知), 而我就唔係喇(只係普通打工仔一個), 所以我就以後都唔會再去! 寧願搵第二個中醫調理好身體. 若果再去睇, 真係唔病都俾佢嚇到兼"屈"到病!
回答 (4)
2007-08-28 5:57 am
✔ 最佳答案
北京同仁堂...在國內享負盛名，所用之藥都是自己工場炮製，非從一般批發商買貨，藥材的質素實有保證。在香港出售的藥材部份都經硫磺薰過，以令藥物色澤好看，但長期服用有損健康，而北京同仁堂香港店的藥材都是由北京運來，當然貴得有道理。若你的藥方沒有棄置，可以到附近的藥房執一劑，然後與北京同仁堂比較，一定能看得出大家的分別。不論是藥材本身還是煎後的分別，我沒有誇張，同一個方劑執出來的藥，藥房煎出來的色澤是深啡接近黑，味道聞上來是大家都認為很臭的藥材味，而北京同仁堂煎出來的，顏色係好靚的啡色，而且味道好有藥材味...現時北京同仁堂香港分店的診金約$100，但北京店的診金已是香港的幾倍，有無去過乜大那些中醫門診，有些診金還要貴，所以北京同仁堂診金都算平啦。但若要與藥房的大夫相比，那便無話可說了。
而是否專做有錢人生意，正如"屯門友"所講，係有錢人鍾意幫襯，尤其港島區分店(跑馬地, 中環...等)。我都是蟻民一個，但係我都鍾意幫襯北京同仁堂，因為我睇開那個大夫實在太高明啦，我都有介紹朋友去睇，但事先講明每次睇病無$500都唔得。
另外員工質素很難一概而論，以我經驗，廣東道分店的服務是很好的，大夫也是很好的。每個問題都詳細解答，有很多從前誤解了的，如今都給他一一改正了。
參考: 我自己
2017-04-13 3:07 pm
沒錢，自己就知道要怎麽做了。
2009-11-25 3:08 am
多次有病人向我反映，同X堂價錢貴，醫師又未能對証下藥。
我推測與該堂醫術多從北京來有關，北京氣候與香港差別大，北方人體質又與香港人大不同，加上有料醫師亦不會放下本身大批病人，遠道從北京來打藥材鋪工。所以是否物有所值，見仁見智。
我推測與該堂醫術多從北京來有關，北京氣候與香港差別大，北方人體質又與香港人大不同，加上有料醫師亦不會放下本身大批病人，遠道從北京來打藥材鋪工。所以是否物有所值，見仁見智。
2007-08-25 6:59 pm
以我所知同仁堂未必一定係專睇有錢人嘅,只係 D 有錢人鍾意睇佢啫.
只不過佢哋用 D 藥材靚 D ,
地點租金貴 D ,
人工貴 D ,
燈油火立都貴過人.
或者咁講啦,你想飲咖啡會唔會去半島酒店飲吖,
只不過佢哋用 D 藥材靚 D ,
地點租金貴 D ,
人工貴 D ,
燈油火立都貴過人.
或者咁講啦,你想飲咖啡會唔會去半島酒店飲吖,
參考: 我
收錄日期: 2021-04-21 18:42:35
原文連結 [永久失效]:
https://hk.answers.yahoo.com/question/index?qid=20070825000051KK00989