朋友唔還錢點算?可以告佢嘛?

盜竊罪的基本定義:

如任何人不誠實地挪佔屬於另一人的財產, 意圖永久地剝奪該另一人的財產, 即屬犯盜竊罪.
基本上, 佢借左你部相機同psp唔還, 仲打電話都唔接, 潛左水, 即係佢有 <意圖永久地剝奪該另一人的財產>, 所以佢已經犯左盜竊罪.
你絕對可以報警. 但我會建議你報警前先致電佢留口訊, 同埋發個sms俾佢, 話如果佢2日內唔還番部相機俾你, 你會報警. 你有張相機 / PSP欠單, 警察係會受理嘅.
至於錢債, 警察係唔理嘅. 你要追, 就要入稟小額錢債審裁處告佢(費用$200). 你有佢地址及欠單, 巳經可做誓章入禀小額錢債審裁處. 小額錢債審裁處收到你張稟後, 會發出票要佢出庭.如對方收到傳票而不出席, 法庭可在有足夠理據下,在他決席下判你勝.如對方出席, 咁就各憑自已的理據向個官陳述, 睇吓個官點判. 而彈票案, 法庭99%會判你勝. 當法庭判你勝, 你就可憑法庭的命令以合法行動追債, 包括釘佢屋契, 強制要佢賣樓還債, 或向法院申請個"扣押債務人財產令狀 ( Writ of Fieri Facias)", 任命執達吏 (bailiff) 去沒收佢擁有汽車 , 傢俬 , 辦公室設備 , 電腦或藝術品等個人資產或動產 , 並將之出售以償還欠款, 甚至申請佢破產.
我諗佢會好快還番俾你.

可以，有借據同事件未過5年(還是6年?忘了)就已經成立
但係搵律師做好貴
不過呢個數目咁少，自己可以去小額錢債度告佢

總之極煩 -
就算判比你
佢都可以拖三五七(十)年唔還
所以有云「法律面前，窮人含X，惡人有錢分」，就是這個道理

唔等錢使就不如算數好過