請教: 剛開始嘗試養熱帶魚, 為何會有些魚會死?

樓上o既同學仔，joy_ce_chan o個ｄ係淡水魚呀．．．
由於你得極少資料提供，只能估估下。AA380，上網 check 到係 19L 容量。你有幾多條魚？以 1L 1cm 長度o既魚呢個參考數字睇，可以有 9-10 條。你有幾多？
我見你o既魚種之中有紅蓮燈，就一定要問：係唔係一袋廿五／五十條o個ｄ？袋裝魚一般死亡率高，因為你唔知佢入左袋幾耐，剛入袋都可能係一有貨到就即入，舟車勞頓，身體係會差ｄ。所以最好唔好買袋裝魚，特別係個袋冇乜氣，水唔清，魚唔精神o個ｄ。
而你落魚時又有冇對溫、對水？要原袋放入缸五至十分鐘，等袋中水溫同魚缸水一樣。呢個步驟叫做對溫。然後，可以先倒去袋中部份o既水（如倒到剩返四份一袋，但當然要視乎袋size 同魚o既數目），再慢慢加入魚缸水，加完隔五分鐘再加ｄ，等魚適應魚缸水質。呢個步驟叫做對水。加到係原袋水o既約三倍，然後將魚撈出入缸，袋水唔要，以免有病菌。
至於魚o既配搭，唔理你唔知名o個種（無計啦．．．但又即管估下：米奇？moon？），其實唔多夾。燈科魚喜好偏酸水質，孔雀相反要鹼性。酸性最簡單要用泥鋪底做出o黎，鹼性就用珊瑚砂。水質不合，對魚o既健康長遠必定有損。咁你用邊種物料做底床？定係清缸？
既然係套缸，就有齊過濾同燈啦。見網站話可以將濾水器流量調至 200L/Hr，又懷疑你超養，咁我建議你去盡啦；水流太大可以將出水口膠喉轉向玻璃（得的話），或用魚街黑色o個ｄ生化棉包一包。我最想知o既係， R-020-SC 濾材係乜東東？網站睇唔清楚，似係得棉同活性碳，咁就一定唔得啦。
要唔死魚就要水質好；要水質好就要養到多菌；要多菌，濾材就一定要有生物環。活性碳可有可無，生物環就非加不可。我唔知你個濾水器乜野構造／計設，但都係頂濾啦，咁相信有空位o既。你可以去買用尼龍網包好左o既生物環，有ｄ細直徑ｄo既，o係有限空間盡量放啦，再加白棉三文治咁夾位ｄ生物環就得。希望夠用啦。
另一樣野，網站對呢個缸o既描述冇講暖管喎；溫度計呢？呢ｄ都要添置喎。氣泵有未？
死魚點死法，由於冇資料，真係唔知乜o野原因。又估下啦：
１．病？有冇摺埋鰭／尾，同缸有死／病，身上有爛尾／鰭／白點／一舊發霉狀白色物體／身上一片白左色／魚眼浮腫？有的話要隔離用藥喎。
２．熱？水溫唔好過三十度喎；有冇曬到？近唔近發熱o既電器？
３．換水太多／密？三日至一星期一次，每次三份一至半缸好啦，用之前一晚裝好o既水換入，等氯氣散。
４．其實我主要係懷疑養得太多，一次放入新缸，但新缸濾水器冇菌去處理廢物，突然有好多廢物，會積聚到有毒濃度毒死魚。所以我建議你用個大桶養定水，密切觀察魚o既狀態，最少三日就要換三份一水，如果你係一次買左廿五條紅蓮燈或以上的話，可能要日日換三份一，希望每日都稀釋有毒物質濃度，捱到夠菌為止啦。但你都要預左繼續死魚
圖片參考：http://hk.yimg.com/i/icon/16/59.gif

一日餵一次冇問題，但你放幾多糧先？總之要五分鐘ｄ魚清得哂為準啦。
套缸係新手起步用o既，靚仔又簡單，但頂濾功能就可能會唔夠用，日後如果要 upgrade 設備，又受到缸頂所限。但玩住先啦；養落真係有興趣繼續養甚至種草，就可能要換缸啦。

2007-08-26 02:17:02 補充：
好啦，有人有意見，又回應下：0. 最好係一滴滴咁滴入去對水容器，有人用氣喉以洪吸作用做到，我懶ｄ1. ok，你鍾意只用 pH 去講 pH，你話啦2. 加流量只係令循環快ｄ，令菌有機會接觸到更多食物，我冇估會養多ｄ菌喎先生3. 請你學打個「濾」字。頂濾設計我知係點，但有幾多空間？你有冇睇過 AA 網頁個濾材盒面張相？我睇唔清楚，唔知佢個頂濾有幾多位。咁你又明唔明？4. 「三文治咁夾」的確形容得唔夠詳細：底面都係棉，中間係生物環5. 問者問對配套有乜意見，我叫佢買定。有冇睇人問乜？6. 氣泵的確唔一定要，但基本器材有備無患

2007-08-26 02:18:29 補充：
7. 「魚仔有部份死」，我唔肯定佢有乜魚喎；你估會唔會四十度呢？8. 佢有可能係袋裝魚，體弱再換得太多再唔養水，有冇可能？9. 去氯就去氯啦，我唔主張o者10. 「養水=養菌」？你估架？我冇喎。硝化細菌水唔會快得好多，用舊濾材都有用，算你除有挑骨頭外有ｄ貢獻啦11. 你鍾意保險就三分鐘囉，但好多人都用緊五分鐘12. 又好，講下降溫設備。魚鋪有夾缸邊o既風扇。冇錯，係「夾缸邊」。但係有蓋套缸喎。你唯有打開蓋夾啦。冇理用成千蚊買水冷機．．．有疑難可以去網上魚街 www.hkfishstreet.com 或水族田園 www.aquariumfarm.com 問。

新手指引

海水魚缸加新魚及蝦蟹的方法:
1. 先將盛載魚隻的膠袋解開用清水沖洗一下膠袋表面.
2. 用筆將袋中水位記下，再將袋中水倒出四分一，並將同等份量的魚缸水加入袋內，此步驟要十五至二十分鐘做一次重複做四次.(此步驟為轉水可令魚兒適應魚缸水)
3. 準備一個筲箕 (或AA魚兒孵化場 – Model: AA230 / AA232) 放在魚缸，將膠袋的魚撈出放在筲箕內觀察兩星期，如魚沒有毛病可放落魚缸.
4. 蝦和蟹的方法按照以上，第二步驟把時間從二十分鐘延長至三十分鐘做一次重複做四次.

基本治療海水白點方法:
先將有白點魚撈出浸30秒至一分鐘淡水浴，因浸淡水可將白點蟲表面分泌液體除去露出原蟲，再將魚用手撈起在水面用棉花輕輕抹魚身可將白點蟲抹去，再把魚放回主缸隔離觀察。使用後，如果問題持續，請聯絡水族店舖職員查詢其他意見。


體溫和水溫：以金魚為例
金魚是變溫動物，會因外圍的溫度而導致體溫有顯著的變化，所以水溫的急劇變化對金魚的生理是有很大的不良影響，嚴重的會因休克而死。因此在換水時，應要注意 水溫的變化。但天氣及季節性的變化，對金魚來說反而是有益無害。切記不要過於人工保護而是要給予適度的自然才是。對金魚來說春秋是最適宜飼養的季節，及以 二十度C為中心的上下五度C適溫最為理想。


器材
現養魚的最基本的器材 至少要清洗容易、大方美觀、音量又靜(音量低於40分貝AA品牌做得到)：
1. 現魚缸：以AA魚缸為例就有27cm-2m的魚缸讓大家選擇
2. 現飼料：可選購品質好的飼料，以AA的日本錦鏻、金鏻及熱帶魚糧、龜糧，不含人造色素
及不會影響水質，金錢貴一點(每天多$0.05至$0.10)便可令魚兒更健康，更美麗
3. 現過瀘器：AA有專業人事設計-
採用缸面壓力箱，水力加氣，不用氣泵，又慳電、又慳錢、又環保
有日本生化棉、生物球、活性炭，放心使用
4. 現水族燈：AA全新IC火牛，殺菌營光燈，省電45%又慳錢，又環保



治療魚病的藥水
AA001M 治白點劑 - 適用於治療白點
白點症如同人類之傷風感冒一樣，是由水溫變化而引起蟲類之寄生於魚兒身上。白點症之初期會有數粒白色點狀物體黏附在魚兒身上，只要數小時後，魚兒全身部會 佈滿白點，同時全身都會變黑。在此情況在一般水族館都會推用菌火或硫酸銅或菌水時寧少莫多。用藥銅時應同時使用加溫器（暖管）調節至26C加整魚兒痊癒。 很多時候魚缸亮燈前或關燈後魚身上都有可能出現類似白點的東西，但時大家不要太緊張因為此乃敏感而已。過數小時候便會自動消失。
AA002M 多方面治療劑 - 有效殺害魚缸內各種常見的病
爛肉症
爛肉症之產生多數是因為魚兒互相打架或寄生蟲咬傷後所產生之傷口發緊故稱之為爛肉症。一般對付爛肉症之對策以抗生素為主，以浸浴方式使用最為普及。而很多 人使用抗生素時應注意份量，因為過量的抗生素會使魚缸內之消化細菌大量死 亡而影響生態。故此使用抗生後應適量換水及加入消化菌平衡生態。另外更要多是使用抗生素期間應在魚缸內大量打氣，原因是很多抗生素加入魚缸後會產生搶氧 之情形而導至魚缺氧死亡。
AA003M 去苔劑 - 迅速去除青苔有效淨化水質
AA004M 去氯劑 - 立即去除水中含有氯的有害物質
自來水在自來水廠中經過濾,剎菌的處理,而一般上過濾為物理過程,因此較沒有問題,而剎菌則一般上使用氯來消除.水中的氯離子會造成金魚氯中毒,所以在加 入自來水時應注意氯離子的含量.較經濟的做法為將自來水曝曬48小時,最好能以打氣來加速氯的揮發和增加水中的溶氧.若時間不充許的話,則可以在市面上購 買氯離子測試劑以量測氯的含量,若超出範圍則可以在每立方米的水內加入2-3克硫化硫酸鈉來中和自來水.一般市面上可以買到相關去氯的產品,而且價格不 高.
AA005M 植物營養劑 - 為淡水植物提供所需營養及微量元素
AA006M 殺菌劑 - 有效殺菌和清潔魚缸清洗沙石及裝飾物
AA007M 清水晶 - 迅速淨化水質及有助過濾功能



過濾器
每一個魚缸都需要過濾的器材，而AA牌的每一款魚缸都配有合適的過濾器，而水族商亦有銷售本公司的過濾器供給顧客選購。


濾水器的濾材
濾水器大致上分為三類 ：
1. 物理過濾 – 物理過濾就是利用 過濾棉(AA191)，珊瑚砂石，小石(AA241)底層過濾。
目的是降低流速將顆粒物與水分離。
2. 化學過濾 – 化學過濾就是利用 活性碳(AA200)。
目的是吸收廢氣氧化還原或酸鹼中和或離子交換將水中物質去除。
3. 生物過濾 – 生物過濾就是利用 生化棉(AA191)，生化球(AA13R)，培養禍水質淨化劑供給。
目的是培養細菌來分解不良物質。

管理
過濾棉可一星期清洗一次，尤其當水流不順暢時。當水中出現顏色時就需更換新的活性碳。
而生物濾材可以不必更換。只要定期換水30％，就可以保持良好的過濾系統。
注意：清洗濾材不能一次全洗，建議只清洗1/3-1/2。

事前準備
在佈置魚缸前一定要考慮魚缸大小，魚缸不僅關係到擺設的位置，更重要的是日後清理的方便性，一般的初學者，建議使用一些較小型及設備麡全的魚缸，若魚缸太大日後清理將帶給你非常的厭煩，以至使你失去養殖的樂趣，所以選擇魚缸前，切記要三思而行。


養水
一般人所謂養魚先養水，主要是在事先替水族們準備一個適合於牠們生存的環境。而這個環境必需合於一個主要條件將魚放入後亦可平安地生存並保持下去。我們知道魚兒們會在水中產生排泄物。這些排泄物會先讓水中既存的異營細菌分解為銨類。此時若水中無足夠的硝化細菌群落，則有中毒之虞。而我們希望的， 就是水中要有足夠的硝化菌群落。將一尚未養魚的缸子將滿水，且內有底砂，合適的過濾設備。

打開所有的循環設備，不管是過濾器還是打氣機。但就這樣讓它持續運作數日並無法擁有理想的硝化系統。硝化菌的來源通常是由空氣中，水源中，器物中，和人為添加等。不論來源如何，硝化細菌的生活環境似乎有些嚴苛。若食物不足，硝化細菌是很難生存下去的。除非是啟動休眠，但休眠是一件大事。我們要養硝化細菌，就要給牠們食物。一般使用的方法是先放養強健的數尾朱文錦，或在底砂中埋入數枚死蛤肉或其他健康的死屍。利用排泄物或腐肉產生銨類來培養硝化細菌。但此時若過濾系統不佳，很可能造成反效果如水發臭或病菌孳長，硫化氫過多而毒死硝化細菌等。

在某些場合中，好的過濾系統是一種自然降酸的方法。一般而言，從一個新的開始至整個硝化系統的健全生長並運作，要花約三個月的長時間。而我們養水的時間多一到二個星期以後便將要飼養的魚放入，這段時間我們以換水和細心保養來維持系統的運作。



換水
換水的目的主要是清除水中的污染，如糞便、剩餘飼料、增加溶氧、水質的清澈、調節水溫和去除水中的有害化學物質等。換水的次數主要以設備和水質的清潔度來決定。
以一般的適當飼養來作出以下比例：
1. 若沒有加裝過濾系統則應考慮每一至二天換1/4-1/3的水量
2. 若有過濾系統的則可以每個星期換水一次，但每3~4天應清潔過濾系統。
在注水之前請務必注意水中氯的含量.



一些雜項：
加溫器：注意自己的魚缸大小，如飼養熱帶魚請佩加暖管保持水溫。
溫度計：有加暖管就要有溫度計，這是一定的。
沈木：如果有沈木的話最好丟丟進去一定有好處的。沈木淨在水裡會肆放出腐朽酸，可模擬原產地水質。越大塊是越好，決對不會錯的！
打氣馬達：最好選擇排氣量大的，才適合深度大的魚缸。記得加裝止逆閥，防止缸水逆流。
照明燈：自己去水族館選擇適合的照明燈ＯＫ
揚水馬達：讓魚缸中的氧氣量充足些，也讓埃及神仙運動運動也不錯是嗎？



魚病的原因
預防魚兒生病重於治療。水族箱裡的水質，猶如人類的空氣。因此，當發現魚兒
騷動不安或緊縮魚鰭，就顯示牠們的排洩物在水中的累績已超過能忍受的程度；
這時最好的辦法就是換水。當抽換四分之一至二分之一的水之後，不僅能減少水
中會對魚類的生理造成傷害的化合物比重；同時，漂浮在水中病原性微生物密度
也會降低，相對的刺激魚兒產生抵抗力。

「加溫」也是好辦法。提升水溫一方面能幫助降低魚兒在能量上的耗損，增加抵
抗力，另一方面可以用來消除或阻斷某些病原生物的生殖周期，其中以消除造成
魚體白點病的纖毛蟲最為有效。

此外，勤洗過濾器材，能防止雜菌叢生，這是魚兒健康長壽的不二法則。

魚族最容易得的病，就是寄生蟲侵擾，包括魚蚤和錨蟲。這些寄生蟲常聚集在魚
的胸鰭，會讓魚兒不時摩擦池底、焦躁、不食，最後因體衰產生併發症死亡。
治療寄生蟲，水族界大都用福馬林、醋酸和有機磷劑，這些藥劑在農會或化學材
料店均可購得，唯使用時需注意安全劑量、藥浴時間與說明。

如果水族箱水質惡化，魚兒就很容易感染細菌而生病；在搬運魚兒時，常會因衝
撞造成魚體受傷或掉鱗傷鰭而感染。

餵病魚口服藥也是一種加速效果的療法，但也限於較大體型的魚。
至於將外科手術用於魚兒，倒是近年來新興行業。其中以錦鯉的刮除雜紋及紅龍
的鰭型美容手術居多，惟這種方式不適於一般養魚人。

上面第二位既問題
0. 對水方法各有各唔同,唔可以話你錯,但你既對水方法有一定既風險
1.係PH方面並唔係水質不合,係PH不合
2.流量同魚既數量無關係,開得太大仲可能會累死,你估流得快,就會養到多D菌?
3.頂瀘咪又係咁既設計,係另一個設計就唔係頂瀘啦
4.三文治咁夾,係指打橫夾定打直夾?
5.呢個時候如果唔洗醫病仲買暖管!?全球暖化有無聽過?最快9-10月買都未遲
6.用頂瀘仲要氣泵!?
7.除非個缸有成接近四十度,如果唔係無可能熱死,加上熱死係應該全部死清光
8.太少換水就有可能死,太多就無乜可能
9.人地有錢買去氯
10.養水並不能將問題解決,你估養水=養菌?應該買返支硝化細菌液,再加埋睇下有無人可以比小小佢用緊既生物環你
11.餵魚分量,最好3分鐘之內食光,並唔係5分鐘
12.你之前又問係咪熱死,咁你應該講埋降溫設備
上面個位
1.魚死同空間唔夠無關



如果想搵專業既人問,請到參考網址

水質未控制得好, 空間唔夠都會好易死魚,
尤其是D細魚, 注意上列兩點,
對症下葯吧!

除左加去氯劑, 你有冇加鹽(人造海水)? 因為自來水不是海水呢? 魚缸大小是否適合,過濾器, 照明系統, 鹽分比重針, 水冷機等等... 太深入我都不懂
有個網站我的養熱帶魚朋友都有上的, 希望可以幫到你
http://www.hksaltfish.com
http://www.aqua-zone.com.hk/main.htm

這個網站我覺得都好幫助朋友
[email protected]