孔雀魚唔知點解唔肯食糧,又無端端死左...唔該幫幫忙...

你個缸仔幾大?一公升水大約可以養1條孔雀魚~如果你個缸仔只得12吋x7吋x10吋左右或以下,頂多比你養4-6條~(以上魚缸只係一個估計數值)
所以如果係講到你個缸好細,而魚又唔食野~最大機會可能係水質好有問題~你個缸除左冇氣泵之外,應該冇過濾器啦,係咪?
如果你個缸其中一面有5吋或以上,就去買個最細既掛缸過濾器(簡稱掛濾)
入面所有原裝過濾材料唔要~另加過濾棉同最細個種生物環(大約1cm x 1.3cm大左右既圓柱體)
加左生物環響掛濾入面之後仲要落硝化細菌~用黎分解魚隻排出屎中既毒素(氨)如果唔用,d氨毒素太多會毒死魚~另外又可以定時4日左右換一次1/3缸水~都可以減小氨份量~
以上既野就係唔用之後,引至係個缸有咁多問題了~簡單d講,係冇過濾,d屎又冇清理,引至細菌大量滋生,另外氨積存過多~兩方面已經令魚有病唔肯食野了~缸細魚多氧氣不足!(氧氣珠係冇用的~唔好再用了!而氣泵只要會有一個接駁左氣泵既氣石放入缸!而唔係成個氣泵放入缸~所以係個缸幾細都好啦,都會放到氣泵響缸外,氣石都會放到入缸!
宜家係可以做既就係用掛濾,減小魚隻數目,小左魚就唔洗加氣泵,因為排濾出水位,沖去水面時會有空氣打左入水中~
另外一日比兩餐魚糧,一餐以3分鐘內食完做標準~咁都可以對水質有小小幫助~
如果唔減小魚隻~就要轉大缸,用過濾/生物環/硝化細菌/氣泵
最後就係醫魚! 以1L水加3克粗鹽做比例去醫魚~用藥可加黃粉,要按指示份量加~要打氣的~之後隔日換1/3缸水,再加黃藥同鹽~記住所有醫魚既藥同鹽計好份量之後都要先稀釋,之後分幾次慢慢加~唔好一次過加哂入水中,每次加藥都要觀察魚隻有冇不適~有不適即時停止加藥,再換1/3-1/4缸水~仲有用藥時唔可以用活性碳~
唔明再響原文問丫~

2007-08-26 11:56:45 補充：
解答下面個位 hktkotetra
[小學級 5 級] 唔知你係咪答問題,而玩針對既人!!1.一升水係養1cm長,例如:紅蓮燈長2.5cm,我個缸有10升水,咁我就養到4條,明未啊?答:你好似唔識孔雀魚既野啵~你知唔知孔雀魚幾耐生一次?夏天水溫高小小,最快25日就生一次~一次可由20-200不等~好睇養殖者技術~所以我個答案係計左孔雀魚多產既性質~你明未呀??

2007-08-26 11:57:09 補充：
解答下面個位 hktkotetra
[小學級 5 級] 唔知你係咪答問題,而玩針對既人!!2.如果你要講全寫應該講掛缸式過濾器,唔識就講掛瀘答:你係咪識野架?養左魚幾耐?養左魚一年個d新仔多數都知咩野係排濾啦!!仲有我上面有講到 掛缸過濾器(簡稱掛濾),你有冇留心人地講既野呢?你係咪一知半解既人呢?請回覆!!3.嚴格黎講氨應該講濃度而唔係份量答:份量 同 濃度都係一個形容詞~我咁講你都可以明白,我相信發問者一定明囉~多謝你咁熱心捉 字虱!!

2007-08-26 11:58:08 補充：
解答下面個位 hktkotetra
[小學級 5 級] 唔知你係咪答問題,而玩針對既人!!4."冇過濾,d屎又冇清理,引至細菌大量滋生"唔關細菌事,只係會毒死魚答:又係個句你冇細心留意我答既野,唔緊要~但本人都答左幾個可能性~係喇~上次你都講過((一定))同((可能性))既野架喎~今次你咁肯定係毒死魚呀?你呢d係咪叫自打咀巴?請回覆!!5.水質唔好,唔可以講"魚有病"只可以話令魚虛弱,再比病毒入侵答:水質係養魚之本!!水質唔好多數都會病!!都唔明你係咪識野!!唉~

2007-08-26 11:58:53 補充：
解答下面個位 hktkotetra
[小學級 5 級] 唔知你係咪答問題,而玩針對既人!!6."一日比兩餐魚糧"硝化系統未成熟就餵咁多!?答:你咁肯定人地個缸新開??你咁肯定"硝化系統未成熟",你問左發問者呀?你呢個答覆又係咪自打咀巴呢??請回覆!!

2007-08-26 11:59:20 補充：
解答下面個位 hktkotetra [小學級 5 級] 唔知你係咪答問題,而玩針對既人!!7.轉個缸無用,係要令硝化系統成熟先有用,轉咁大個缸無菌有x用答:你又係睇d唔睇d,人地講自己個缸細呀,大佬!!缸細魚多,我都比左兩個解決方法人地,1)係減小魚隻數目 2)轉大缸!! 咁你有冇比解決方法人地呢???請回覆!!你好明顯講咁多野都係針對人地去提高自己者,下話???請回覆!!

2007-08-26 12:00:05 補充：
解答下面個位 hktkotetra [小學級 5 級] 唔知你係咪答問題,而玩針對既人!!8.無病你醫乜鬼? 答:唔食野,多數都係一個病徵!!叫佢加黃粉都可以做防疫!!最後,我我都想問你一句!!我每次答人問題你都幾乎次次都係咁以針對方式指本人答錯野,請問閣下想點呢?居心何在?想提升自己名氣嗎?? 請回覆!!!!!!!!!!

上面個位既問題
1.一升水係養1cm長,例如:紅蓮燈長2.5cm,我個缸有10升水,咁我就養到4條,明未啊?
2.如果你要講全寫應該講掛缸式過濾器,唔識就講掛瀘
3.嚴格黎講氨應該講濃度而唔係份量
4."冇過濾,d屎又冇清理,引至細菌大量滋生"唔關細菌事,只係會毒死魚
5.水質唔好,唔可以講"魚有病"只可以話令魚虛弱,再比病毒入侵
6."一日比兩餐魚糧"硝化系統未成熟就餵咁多!?
7.轉個缸無用,係要令硝化系統成熟先有用,轉咁大個缸無菌有x用
8.無病你醫乜鬼?