✔ 最佳答案
A.就算你覺得兩隻鼠既關係幾好都好,都必須要盡早分開佢地,以避令女鼠病埋or女鼠會在男鼠體虛時打男鼠,而且多一隻鼠在籠,細菌都多d,同時增加左男鼠惡化既機會
B.粒野林林地先係瘡,硬既話就係腫瘤,兩樣都要盡快睇醫生先得
瘡既話,最好在爆之前就處理好,唔係既話,爆左就好麻煩,好難好返.
獸醫可能會幫鼠鼠放膿,要唔要放就要睇實際情況先知,由於有細菌感染,應該就會用抗生素治療.如果係用抗生素既話,必須定時服用晒所有抗生素,絕不能中斷.
腫瘤既話應該會照下,再做手術整走佢
放膿or整腫瘤都要落麻醉藥(放膿要睇位置同情況),所以如果你隻鼠年紀大既話,就要考慮清楚先好決定,老左既鼠好難承受到麻醉藥既.
呢兩樣情況都需要較多儀器,可以到大圍度睇:(,即使話唔會去睇,都希望你可以再諗下啦)
最出名醫鼠既係呢間,但就較貴:
大圍珍禽異獸及寵物醫院 DR.TIGER
Tel: 2687 1030 地址:大圍積信街75號地下
http://www.taiwaiexotic.com/
平d可以睇愛護動物協會,但做手術既話,都可能會叫你睇大圍,因為設備不足
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
另外,你鼠鼠生粒野既位置,應該差不多係頸吧?有一隻基因上既病毒,好易令鼠鼠在頸生腫瘤,如果係呢個情況既話,差唔多可以迥一定會死的,但願唔係呢個情況啦
C.睇醫生可能要book or真係唔會去睇既話,可以做住以下既野先:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好),多一隻鼠易令生病既鼠多一分受細菌感染既機會,加上唔合會唔會同時有皮膚病,怕傳染俾第隻鼠
2)保持環境乾爽清潔,避免有更多細菌再令鼠鼠受感染
3)唔好俾風直接吹到鼠鼠,要鼠鼠保持溫暖
4)俾一d有營養既野佢食.可以試下俾d麥片or白麵包佢(得呢兩類人既食物我會俾鼠鼠食,仲係有病先會俾)
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既
2007-08-24 22:59:54 補充:
好抱歉知道你鼠鼠已經離開左,希望隻女隻健健康康生活落去啦