有無人一開始叫奶奶做媽咪之後改口叫番做奶奶??

我跟老公叫阿爸阿媽,
之後諗番, 佢跟本唔當我係親女,我點解叫佢做我阿媽,
都係清清楚楚叫奶奶...

我一開始就叫奶奶做媽咪 , 第一 , 我覺得叫奶奶好老土 , 第二 , 叫奶奶既感覺係 , 好似唔係一家人咁 , 第三 , 老人家聽落 , 唔會覺得冇左個仔 , 而係多左個女 !

我簡中都有叫佢做奶奶 , 係因為場合上雖要 , 我由識我老公到嫁佢既時間 , 我知道我奶奶唔係太鍾意我 , 所以 , 為左唔想老公難做 , 加上佢好鍚佢屋企人 , 咁就唯有出此下策 , 希望佢老人家唔會覺得 , 我搶走左佢個仔 !

sofar , 而家我地既關係都好好 , 可能係因為我地唔係同住 , 重要一個住香港 , 一個住新界 ! ^^ 我幾時都話 , 未嫁前 , 就算個奶奶對你幾好都好 , 千其都唔好同佢同居 , 唔係就好大獲 !

2007-08-27 03:31:08 補充：
講真,我奶奶以前都好唔鍾意我,我同佢個仔拍拖都成6/7年啦!但換個角度睇,佢咁既年紀,我老公又係拉仔,佢哽係驚冇左個仔架啦!以前既我,唔好講話氹,佢講一句,我串佢一句添啦!人大咗,有好多野,都睇開左,既然知道佢唔鍾意你既 , 就哽係要對佢好,你要用時間去証明,你都係佢地家庭一份子!我用左十年時間,對我黎講,係值得既,因為,換黎既係佢一直都跌眼鏡,當初佢載有色鏡去睇我,但而家佢會主動打比我,關心我,或者,你真係覺得冇必要,但試諗諗,除非連你老公都唔鍾意佢阿媽,如果唔係既話,大家都要付出,記住一樣野,老人家同小朋友都係一樣 要人氹,要人鍚,要佢地對你好,先比佢知道,你都對佢好! ^^

我奶奶都唔多中意我架,講真吖!有幾多婆媳係真心相處到吖....
始終個新抱都唔係佢生嘅,係疏d架勒!
我初初一入門都叫佢做奶奶架..不過佢個大仔即係我大伯,佢話不如跟d孫叫嫲嫲喎..
咁我從此咪一直叫佢做嫲嫲囉....